YeChL qur’asi: «Liverpul»ga «PSJ» raqib va Madrid derbisi

21 fevral kuni Chempionlar ligasi 2024/2025 yillar mavsumi 1/8 finali uchun qur’a tashlash marosimi o‘tkazildi. Natijada quyidagi juftliklar hosil bo‘ldi:

«PSJ» — «Liverpul»
«Benfika» — «Barselona»
PSV — «Arsenal»
«Feyyenoord» — «Inter»
«Real» — «Atletiko»
«Bavariya» — «Bayyer»
«Bryugge» — «Aston Villa»
«Borussiya» — «Lill».

Jamoalar hozirning o‘zidayoq keyingi bosqichlardagi ehtimoliy raqiblarini bilishadi. Ya’ni, turnirda boshqa qur’a tashlanmaydi va jamoalar pley-off setkasi bo‘ylab harakatlanishadi. Masalan, agar «Arsenal» bu bosqichdan o‘tsa, chorak finalda «Real» yoki «Atletiko»dan biriga raqib bo‘ladi. Jamoa finalgacha «Barselona», «Bavariya» va «Inter» kabi jamoalar bilan to‘qnashmaydi, lekin keyingi bosqichlarda «Real» va «Atletiko»dan tashqari «Liverpul» va «PSJ» kabi favoritlardan biri ham raqib bo‘lishi mumkin.

Finalga qadar yo‘lda «Real» va «Barselona»ning yo‘li kesishmaydi.

1/8 finalning ilk o‘yinlari 4 mart kuni o‘tkaziladi. Javob uchrashuvlari 11 martga belgilangan. Turnir finaliga 31 may kuni Myunxen mezbonlik qiladi.

Ma’lumot uchun, Chempionlar ligasining amaldagi g‘olibi – Madridning «Real» klubi hisoblanadi. O‘tgan mavsum finalida «qaymoqranglilar» Dortmundning «Borussiya» klubini yenggandi (2:0).