Termizdagi logistika markazi BMT Global tarmog‘i ombori maqomini oldi
BMT bunday omborlardan aholining ijtimoiy himoyaga muhtoj qatlamlariga yordam yetkazish uchun foydalanadi.

Foto: dunyo.info
Termiz shahrida, Afg‘oniston bilan chegaradosh hududda joylashgan xalqaro ko‘p funksiyali transport-logistika habi Birlashgan Millatlar Tashkilotining Qochqinlar bo‘yicha Oliy komissar boshqarmasi (UNHCR) Global ta’minot tarmog‘i ombori maqomini oldi. Bu haqda O‘zbekiston Tashqi ishlar vazirligiga tayanib, «Dunyo» agentligi xabar berdi.
Tashqi ishlar vazirligi matbuot xizmati ta’kidlaganidek, og‘ir xalqaro vaziyatni hisobga olgan holda, BMT aholining ijtimoiy himoyaga muhtoj qatlamlariga yordam ko‘rsatish uchun asosiy resurslar zaxirasini saqlab qolishga intilmoqda va shu nuqtai nazardan, markaz strategik ahamiyatga ega. Termizning Markaziy va Janubiy Osiyo chorrahasida joylashgani, shuningdek, malakali kadrlar mavjudligi O‘zbekiston savdo-logistika obektining global tarmoqqa integratsiyalashuviga ta’sir etuvchi asosiy omillar bo‘lgan.
Marosimda so‘zga chiqqan O‘zbekiston prezidentining Afg‘oniston bo‘yicha maxsus vakili Ismatulla Ergashev Termiz habi hamkorlik, ishonchlilik va samaradorlik ramzi ekanini alohida ta’kidladi. Bu nafaqat insonparvarlik yetkazib berish zanjirini mustahkamlaydi, balki ish o‘rinlari va yangi imkoniyatlar yaratish orqali mintaqa rivojiga ham hissa qo‘shadi.
Hab prezident Shavkat Mirziyoyev tashabbusi bilan 2022 yilda BMT, xalqaro tashkilotlar va xorijiy davlatlar tomonidan Afg‘oniston va boshqa davlatlarga insonparvarlik yordamlarini markazlashtirilgan va maqsadli yetkazib berishni ta’minlash maqsadida tashkil etilgan.
Termiz markazi BMT Qochqinlar bo‘yicha Oliy komissarligining sakkizinchi xalqaro omboriga aylandi. Global tarmoqqa, shuningdek, Amman (Iordaniya), Dubay (BAA), Nayrobi (Keniya), Akkra (Gana), Duala (Kamerun), Kopenhagen (Daniya) va Panama Siti (Panama) shaharlarida joylashgan obektlar kiradi.
Har yili ushbu infratuzilma orqali qiymati 500 million dollardan ortiq bo‘lgan hayotni qo‘llab-quvvatlovchi asosiy buyumlar (chodirlar, ko‘rpalar, oshxona jihozlari, dori-darmonlar va boshqalar) yetkaziladi.
Tavsiya etamiz
Kredit olishga taqiq va Freeze xizmati: ularning farqi nima?
Jamiyat | 09:02
Imtihon yaqin: bu yil abituriyentlarni nimalar kutyapti? – eng muhim savollarga rasmiylardan javoblar
O‘zbekiston | 12:11 / 25.06.2025
Eronning amaldagi siyosiy tizimi. U qanday paydo bo‘lgandi?
Jahon | 19:30 / 24.06.2025
Urushga qo‘shilgan AQSh, «butun Ukraina bizniki» degan Putin – hafta dayjesti
Jahon | 18:52 / 22.06.2025
So‘nggi yangiliklar
-
Eron 400 kilodan ortiq boyitilgan uranni AQSh zarbalaridan yashirishga ulgurgan - Yevropa razvedkasi
Jahon | 23:36
-
XVJ daromad solig‘ini tabaqalashtirishga chaqirdi. Iqtisodchi bunga qarshi to‘rtta sabab keltirdi
Iqtisodiyot | 23:08
-
AQSh 2026 yilda yadro triadasini rivojlantirishga 60 mlrd dollar sarflashni rejalashtirmoqda
Jahon | 22:51
-
Shavkat Mirziyoyev amaliy tashrif bilan Belarusga yetib bordi
O‘zbekiston | 22:32
Mavzuga oid

19:28 / 23.06.2025
Saida Mirziyoyeva Samarqandda BMTning Davlat xizmati bo‘yicha xalqaro komissiyasi rahbari bilan uchrashdi

16:39 / 23.06.2025
Saida Mirziyoyeva BMT Davlat xizmati forumida ishtirok etdi

14:10 / 23.06.2025
Shavkat Mirziyoyev BMT Davlat xizmati bo‘yicha forumi ishtirokchilariga tabrik yo‘lladi

12:50 / 23.06.2025