Kech nonushta qilish depressiyaga olib kelishi mumkin - tadqiqot

Xitoylik olimlar ertalab soat to‘qqizdan keyin nonushta qiladigan odamlarda depressiya alomatlari 28 foizga ko‘proq uchrashini aniqladi. Tadqiqot natijalari The Journal of Affective Disorders jurnalida chop etildi.

Sian universiteti Birinchi klinik shifoxonasi tadqiqotchilari 11 yil mobaynida 24 mingga yaqin katta yoshli odamlarning ovqatlanish ratsionini o‘rganib, ularning sog‘lig‘idagi o‘zgarishlarni kuzatgan. Olimlar sinov ishtirokchilari ertalab muntazam nonushta qilish-qilmasliklarini, shuningdek, kunning qaysi paytida birinchi marta ovqatlanishini qayd etib borgan.

Tadqiqotlar ko‘rsatishicha, ertalab soat to‘qqizdan keyin nonushta qiladigan erkaklar va ayollarda kayfiyat yomonlashuvi va ruhiy salomatlik muammolari, soat 08:00 gacha nonushtani tugatadigan kishilarga nisbatan deyarli uchdan bir qismga ko‘proq kuzatilgan. Shuningdek, nonushtadan butunlay voz kechish ham xuddi shunday salbiy natija ko‘rsatishi aniqlandi.

Nonushtani kechiktirish yoki umuman qilmaslik uyqu muammolariga, jismoniy faollikning pasayishiga yoki hayotiy ishtiyoqning susayishiga sabab bo‘lishi mumkin, deb ta’kidlamoqda olimlar.

Avvalroq rossiyalik endokrinolog va diyetolog Oksana Mixaleva nonushta qilmaslik diabet va semizlikka olib kelishi mumkinligidan ogohlantirgan edi.