Prezident Chimyonda kapsula uylardan iborat dam olish maskanini ko‘zdan kechirdi

Shavkat Mirziyoyev Toshkent viloyatining Bo‘stonliq tumanida tashkil etilayotgan yangi turizm maskanida bo‘ldi.

Qayd qilinishicha, bu yerda zarur infratuzilma yaratilib, kapsula shaklidagi uylardan iborat zamonaviy dam olish maskani barpo etilmoqda. Shuningdek, bu yerda restoranlar, dor yo‘llari va chang‘i uchish maydonlari bo‘ladi.

Ta’kidlanishicha, oynavand kapsula uylarning o‘ziga xos tomoni, ular yengil, ko‘chma va kamxarj. Katta qurilish qilinmasligi bois tabiatga ham ziyon yetkazmaydi.

Davlat rahbari bunday uylarni Baxmal, Shahrisabz, Boysun kabi boshqa turizm maskanlarida ham o‘rnatish sayyohlar e’tiborini tortishini ta’kidladi.