Qoʻshimcha funksionallar
-
Tungi ko‘rinish
Braziliyada kattaligi chumoliday keladigan qurbaqa topildi
Unda ayrim ichki a’zolar, xususan, qulog‘ining bir qismi yo‘q.

Foto: Lucas Botelho
Olimlar eng kichik umurtqali mavjudotlardan birini aniqladi. Baqaning o‘lchami 6,95 millimetr bo‘lib, ayrim chumoli turlaridan kichikroq, deb xabar berdi The New York Times.
Braziliyaning Kampinas universiteti gerpetologi Luis Felipe Toledo va uning hamkasblari qurbaqani Dacnis tabiatni muhofaza qilish loyihasi sharafiga Brachycephalus dacnis deb nomladi.
Toledo miniatyura qurbaqaning mavjudligini ilk bor hamkasbi Braziliyaning Atlantika o‘rmonlarida yig‘ilgan kichik qurbaqalar ovozining audiosini yuborganida payqab qolgan.
Audiolarni eshitgan Toledo qandaydir yangi narsaga duch kelganini tushungan.
“O, bu ikkita alohida tur-ku”, — deb eslaydi u o‘z reaksiyasini.
Braziliya o‘rmonlarida Brachycephalus turkumiga mansub baqalar ko‘p. Ular o‘z o‘lchamlaridan 30 baravar katta masofaga sakrash qobiliyatiga ega, shuning uchun ular ko‘pincha “burga qurbaqalar” deb ataladi.
Brachycephalus turlarining barchasi juda kichik o‘lchamga ega, shu sababdan ularni faqat tashqi ko‘rinishiga qarab farqlash qiyin. Ammo olimlar har bir turning o‘ziga xos ovozi borligini aniqladi. Bu ovoz urg‘ochilarga to‘g‘ri erkak baqani tanlashda yordam beradi.
Yangi tuxumdan chiqqan qurbaqaning tovushlari yumshoq, qisqa notali va ko‘proq chigirtka ovoziga o‘xshash bo‘ladi. DNK testlari Brachycephalus dacnis boshqa turlardan genetik jihatdan farq qilishini tasdiqladi.
Toledo jamoasi bunday kichik o‘lcham baqaning tuzilishiga qanday ta’sir qilishini bilish uchun uni batafsil skanerladi. Turning oldingi oyoqlarida atigi ikkita, orqa oyoqlarida esa uchta barmog‘i bor, ba’zi ichki a’zolari, xususan, qulog‘ining bir qismi yo‘q.
Oddiy qurbaqalardan farqli o‘laroq, Brachycephalus dacnis amfibiyalarga xos metamorfoz bosqichidan o‘tmaydi. U bir siklda faqat ikkita tuxum qo‘yadi va ulardan itbaliqlar emas, balki to‘liq shakllangan qurbaqachalar chiqadi.
“Mitti o‘lchami tufayli baqalar chumoli va o‘rgimchaklar singari mayda yirtqichlar uchun o‘lja bo‘lsa-da, ularda boshqa baqalardan yaxshiroq yashash imkoni mavjud. Masalan, ular katta baqalar yetib bora olmaydigan oziq-ovqatga boy joylarda yashay oladi”, — dedi Avstraliya muzeyi olimi Jodi Rouli.
Topilma fanga ma’lum bo‘lgan yettinchi “burga baqa”, dunyodagi ikkinchi eng kichik umurtqaliga aylandi. Hozirda eng kichik umurtqali hayvon Brachycephalus turkumiga mansub 6,5 millimetrli boshqa baqa bo‘lib qolmoqda.
“Dunyoda hali ko‘plab noma’lum miniatyura baqalar mavjud”, — dedi Daniya Milliy muzeyi gerpetologiya kuratori Mark Shers.
Tavsiya etamiz
O‘zbekiston fuqarolari uchun Kanada, Argentina va Avstraliya vizasini olish osonlashishi mumkin
O‘zbekiston | 19:46 / 07.07.2025
Fermerlar yana sinov qarshisida: moratoriylar nima bo‘ladi?
O‘zbekiston | 16:39 / 07.07.2025
2025 yilgi iyun ekstremal quruq oy bo‘ldi – O‘zgidromet
O‘zbekiston | 15:03 / 07.07.2025
O‘zbekiston BRIKSning hamkor davlatiga aylandi
O‘zbekiston | 11:41 / 07.07.2025
So‘nggi yangiliklar
-
Meksikada tonnalab oltin va kumush ortilgan yuk mashinasi o‘g‘irlandi
Jahon | 18:29
-
«Tur de Frans» velopoygasida o‘g‘irlangan velosipedlar Rossiyada sotuvga chiqdi
Sport | 18:26
-
Andijonda xizmat vaqtida pichoqlanib vafot etgan profilaktika inspektori «Jasorat» medali bilan taqdirlandi
Jamiyat | 18:19
-
Soliq organi 1,5 mln so‘mlik kamomad uchun tadbirkorni 5,3 mlrd so‘m jarimaga tortdi
Iqtisodiyot | 17:58
Mavzuga oid

14:41 / 07.07.2025
BRICS davlatlari Trampning bojlarini tanqid qildi

11:41 / 07.07.2025
O‘zbekiston BRIKSning hamkor davlatiga aylandi

06:02 / 22.06.2025
Braziliyada havo shari qulashi oqibatida sakkiz kishi halok bo‘ldi

17:24 / 08.06.2025