Qoʻshimcha funksionallar
-
Tungi ko‘rinish
BRICS dollarni «g‘arq qilishga» qodir emas – Bloomberg
Dollarga moslashtirilgan global infratuzilma AQSh valutasining kamida yana bir necha o‘n yillar davomida hukmronligini ta’minlashi mumkin.

Foto: brics-russia2024.ru
Rossiya xalqaro savdoda dollarni chetlab o‘tish uchun BRICS guruhidan foydalanishga intilmoqda. Biroq, bu rejalar shunchaki xayol bo‘lib qolaveradi, deb yozdi Bloomberg.
Nashrning qayd etishicha, tashkilotchilar Qozondagi BRICS sammiti mehmonlariga o‘zi bilan naqd dollar yoki yevro olib kelishni maslahat bergan, chunki Rossiyadan tashqarida chiqarilgan VISA bank kartalari Rossiya hududida ishlamaydi.
«Ikkinchi jahon urushi tugaganidan buyon jahon moliya tizimida hukmronlik qilayotgan valutadan ajralib chiqish qanchalik qiyinligini bundan ham yaxshiroq misol bilan tasavvur qilish qiyin», deb qayd etdi nashr mualliflari.
BRICS mamlakatlari birgalikda jahon iqtisodiyotining salmoqli qismini tashkil etsa-da, dollarga moslashtirilgan global infratuzilma AQSh valutasining kamida yana bir necha o‘n yillar hukmronligini ta’minlashi mumkin, deb yozdi Bloomberg.
Rossiya va Xitoy jahon savdosini dedollarizatsiya qilish g‘oyasini ilgari surishga harakat qilmoqda, ammo hozir buni amalga oshirishning haqiqiy mexanizmlari yo‘q. Bloomberg iqtisodchilari Aleks Isakov va Jyerar DiPippo fikricha, BRICS mamlakatlarida transchegaraviy to‘lovlarda dollarni chetlab o‘tishning uchta yo‘li bor: mahalliy valutalar, yangi raqamli valutalar yoki Xitoy yuanlari bilan savdo qilish. Ammo uchta variant ham juda shubhali.
«Mahalliy valutadagi hisob-kitoblar past likvidlik tufayli qimmatga tushadi. Raqamli valutalar juda o‘zgaruvchan va odatda asosiy savdo oqimlariga dosh berish uchun likvidlikka ega emas. Natijada yuan qoladi. Xitoy uni xalqaro miqyosda amal qilishini xohlaydi, lekin erkin suzib yurishiga qo‘yib bermaydi. Xitoy inqiroz sharoitida o‘z iqtisodiyotidan tashqarida cheksiz miqdorda yuan chiqarishni xohlaydimi yoki yo‘qmi degan savol ham hal qilinmagan», dedi iqtisodchilar.
Nashrning ta’kidlashicha, inqiroz davrida Qo‘shma Shtatlar o‘z ittifoqchilariga moliyaviy tizimini qo‘llab-quvvatlash uchun dollar yetkazib beradi. Ammo Xitoy hatto Rossiyani yetarli yuan bilan ta’minlay olmaydi, dedi nashr mualliflari. Bu fikr hatto BRICS sammitida ham aytilmagan.
Tavsiya etamiz
Navbatdagi cho‘pchak: O‘zbekistonda kriptovaluta “qazib oluvchi” uskuna ijarasidan daromad olish taklif etilmoqda
Jamiyat | 20:37 / 14.07.2025
„Uchastkavoy“ prezident bilan uchrashuvda kapitanga aylandi
O‘zbekiston | 15:27 / 11.07.2025
Tramp: NATO Ukraina uchun AQShdan qurol sotib oladi
Jahon | 11:21 / 11.07.2025
Eldor Shomurodov Turkiya klubiga o‘tdi
Sport | 11:12 / 11.07.2025
So‘nggi yangiliklar
-
Hisoblagichlarni qiyoslashdan o‘tkazish sohasiga xususiy sektor jalb qilinadi
O‘zbekiston | 09:47
-
Rossiya Axios'ning Putinning Eron bo‘yicha pozitsiyasi haqidagi ma’lumotini rad etdi
Jahon | 09:45
-
Xorijiy fuqarolarni texnikumlarga o‘qishga qabul qilish jarayoni soddalashtiriladi
O‘zbekiston | 09:41
-
YeI AQShga qarshi javob bojlarini joriy etishni 1 avgustga qoldirdi
Jahon | 09:39
Mavzuga oid

09:45
Rossiya Axios'ning Putinning Eron bo‘yicha pozitsiyasi haqidagi ma’lumotini rad etdi

08:42
Rossiyada yana bir harbiy-dengiz paradi bekor qilindi

08:00
Maxsus xizmat: SBU zobitini otib ketgan FSB agentlari o‘ldirildi

23:54 / 14.07.2025