Estoniya qrimtatarlarning deportatsiyasini genotsid deb tan oldi
Estoniya parlamenti Qrim tatarlarining deportatsiyasini genotsid akti deb tan oldi. Bu haqda Qrimdagi Prezident vakolatxonasi xabar berdi.

Qayd etilishicha, bu boradagi bayonotni 83 nafar deputat qo‘llab-quvvatlagan.
«Bugun Estoniya Respublikasi parlamenti 1944 yilda sovet rejimi tomonidan qrimtatar xalqining deportatsiyasini genotsid akti deya tan olish to‘g‘risidagi bayonot ma’qullandi. Parlamentning 83 deputati ushbu bayonotni qo‘llab-quvvatladi», — deyiladi xabarda.
Bayonotda qrimtatarlarining ommaviy qirg‘in qilinishi va ularning Qrim yarimorolidan majburan deportatsiya qilinishi qoralanadi. Shuningdek, hujjatda ta’kidlanishicha, Rossiya Federatsiyasi 2014 yilda Qrimni egallab olganidan keyin ham qrimtatarlarga qarshi genotsid siyosatini davom ettirmoqda.
Estoniya parlamenti deputatlari egallab olingan Qrimdagi qrimtatarlarga qarshi tizimli hibslar, qiynoqlar, o‘g‘irlashlar, ona tilini o‘rganish va undan foydalanishga taqiqlar tufayli bugungi kunda ham davom etayotgan jinoyatlar davom ettirilishini qoralashga chaqirdi.
1944 yilning 18-21 may kunlari SSSR rahbariyati tomonidan Qrim yarimorolida istiqomat qilib kelayotgan 200 ming nafar qrimtatar majburiy tartibda Markaziy Osiyoga deportatsiya qilingan. Yo‘lda ko‘chirilayotganlarning taxminan 40 foizi ochlikdan va kasalliklardan halok bo‘lgan. Har yili 18 may kuni Qrim tatarlari deportatsiya qurbonlarini yodga oladi. 2014 yildan buyon Ukrainada 18 may qrimtatarlarning huquqlari uchun kurashish kuni sifatida nishonlanadi.
Tavsiya etamiz
Kredit olishga taqiq va Freeze xizmati: ularning farqi nima?
Jamiyat | 09:02 / 26.06.2025
Imtihon yaqin: bu yil abituriyentlarni nimalar kutyapti? – eng muhim savollarga rasmiylardan javoblar
O‘zbekiston | 12:11 / 25.06.2025
Eronning amaldagi siyosiy tizimi. U qanday paydo bo‘lgandi?
Jahon | 19:30 / 24.06.2025
Urushga qo‘shilgan AQSh, «butun Ukraina bizniki» degan Putin – hafta dayjesti
Jahon | 18:52 / 22.06.2025
So‘nggi yangiliklar
-
Turkiya: ota-onalar dam oladigan, bolalar esa baxtiyor bo‘ladigan ta’til
Jamiyat | 19:00 / 27.06.2025
-
Kolumbiyada yuz bergan ko‘chki oqibatida 16 kishi halok bo‘ldi
Jahon | 07:51
-
YeI sammitida Isroil G‘azoda inson huquqlarini poymol etayotganiga urg‘u berildi
Jahon | 07:47
-
BMT Keniyadagi norozilik namoyishlarida fuqarolar halok bo‘lganidan xavotirda
Jahon | 07:42
Mavzuga oid

10:05 / 21.06.2025
Estoniya Rossiya bilan chegarada mudofaa chizig‘ini qurishni boshladi

15:35 / 18.06.2025
Human Righs Watch: G‘azodagi genotsid fonidagi harakatsizlikni tarix kechirmaydi

11:22 / 17.06.2025
Yevroittifoq Qrim va Sevastopol uchun sanksiyalarni uzaytirdi

14:09 / 16.06.2025