Uzbekistan Airways Iroq va Eron havo hududini aylanib o‘tishini e’lon qildi
Ushbu chora fuqaro havo kemalari parvozlarining xavfsizligini ta’minlash maqsadida joriy qilindi.

Foto: Kun.uz
Uzbekistan Airways aviakompaniyasi o‘z samolyotlari Iroq va Eron havo hududini aylanib o‘tishini e’lon qildi.
«Fuqaro havo kemalari parvozlarining xavfsizligini ta’minlash maqsadida, 2024 yil 2 oktyabrdan boshlab, O‘zbekiston Respublikasi Fuqaro aviatsiyasi agentligining ko‘rsatmasiga muvofiq, Uzbekistan Airways Iroq havo hududi va Eron havo hududining g‘arbiy qismini aylanib o‘tgan holda, aniq ko‘rsatmaga qadar muntazam parvozlarni amalga oshirishini ma’lum qiladi», deyiladi xabarda.
Ta’kidlanishicha, Uzbekistan Airways parvozlarning maksimal xavfsizligini ta’minlash uchun muqobil yo‘nalishlardan foydalangan holda Toshkent - Tel-Aviv - Samarqand/Toshkent yo‘nalishi bo‘yicha muntazam aviaqatnovlarni amalga oshirishni davom ettiradi.
1 oktyabr kuni Eronning Isroilga raketa zarbasi berganidan so‘ng, Iordaniya, Iroq va Isroil o‘z osmonini samolyotlar parvozi uchun yopgan edi. Shu bilan birga, Eron aviakompaniyalari ichki va xalqaro reyslarning barchasini bekor qildi. Bundan tashqari, Yaqin Sharqdagi vaziyat keskinlashgani bois, bir qancha aviakompaniyalar Isroil va Livanga parvozlarni to‘xtatdi. Keyinchalik Isroil o‘z osmonini ochganini e’lon qildi.
Tavsiya etamiz
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
Hozirda sirtqi ta’limda o‘qiyotganlar o‘qishini qay tartibda davom ettiradi?
O‘zbekiston | 11:14 / 17.06.2025
Qo‘rquv, shok va sarosima: Eronda nimalar bo‘lmoqda?
Jahon | 19:57 / 16.06.2025
So‘nggi yangiliklar
-
Moskva davlat universitetining Toshkent filialida 2025/26 o‘quv yili uchun qabul boshlandi
Jamiyat | 19:00
-
Mutaxassislar Apple, Google va Telegram'ning 16 milliard paroli sizib chiqqani haqida xabar berdi
Jahon | 18:59
-
Transport vositalarini nogironligi bo‘lgan shaxslar ehtiyojiga moslashtirish xarajatlari qoplab beriladi
O‘zbekiston | 18:29
-
Prezident Yakkabog‘dagi «Yangi O‘zbekiston» massivini ko‘zdan kechirdi
O‘zbekiston | 18:17
Mavzuga oid

16:36
Isroil va Eron qarama-qarshiligi: voqealar rivojining eng yomon ssenariylari qanday?

16:00
“Rejim qulashiga to‘g‘ri kelsa, Moskva yordamga kelishi mumkin” – turkiyalik tahlilchi

14:16
Germaniya TIV rahbari Eron bilan urush kengayishi xavfi haqida ogohlantirdi

12:55