Rossiyada er-xotin terrorizmga da’vat qilishda aybdor deb topildi
Rassom Anastasiya Dyudyayeva va uning turmush o‘rtog‘i, zargar Aleksandr Dotsenko «Lenta» gipermarketidagi tovarlarga ukrain tilida she’rlar yozilgan otkritkalarni qo‘yib ketgan.

Foto: RIA Novosti
Sankt-Peterburgdagi Birinchi G‘arbiy okrug harbiy sudi er-xotin Aleksandr Dotsenko va Anastasiya Dyudyayevani Tallin shossesidagi «Lenta» gipermarketidagi tovarlarga ukrain tilida she’rlar va so‘zlar yozilgan otkritkalarni qo‘yib ketgani uchun terrorizmga chaqirishda aybdor deb topdi. Bu haqda 18 iyul kuni «Mediazona» xabar berdi.
Zargar Aleksandr Dotsenko 3 yilga, uning rafiqasi rassom Anastasiya Dyudyayeva 3,5 yilga manzil koloniya jazosiga hukm qildi. Bundan tashqari, ularning «ehtimoliy jinoyat quroli» bo‘lgan printeri musodara qilindi.
«Matnlarda hokimiyatga qarshi yashirin va qo‘poruvchilik usullarini qo‘llagan ukrainaliklar va Stepan Bandera haqida so‘z borgan, bundan tashqari, Vladimir Putin haqida ham yozuvlar bor edi», - deya aniqlik kiritadi «Fontanka» internet nashri.
Anastasiya Dyudyayeva va Aleksandr Dotsenko ishi
Dyudyayeva va Dotsenko 25 yanvar kuni «FSB» va «OMON» ishtirokida Leningrad viloyatining Taytsi posyolkasidagi uyida qo‘lga olingan. Ishning mohiyati bo‘yicha sud jarayoni 10 iyun kuni boshlandi. Prokuratura ayblanuvchini to‘rt yilga umumiy rejimdagi koloniyaga hukm qilishni talab qildi.
Manzil koloniyada saqlash umumiy tartibli koloniyalarga qaraganda yengilroq jazo hisoblanadi. «Bunday muassasalarda mahkumlar kameralarga qamalmaydi, ular o‘qish va ishlash uchun borishlari, tashriflar soni bo‘yicha cheklovlarsiz yaqinlari bilan muloqot qilishlari, cheksiz posilkalarni olishlari mumkin», deb tushuntiradi «Fontanka».
Tergov izolyatorida bo‘lgan har kungi vaqt er-xotinga belgilangan muddatdan chegirib tashlanadi. Biroq Dyudyayeva va Dotsenko jazo muddatini o‘tab, sudlanganliklari olib tashlanmaguncha terrorchilar va ekstremistlarning Rosfinmonitoring reyestrida qoladilar. Shu munosabat bilan, ularning ruxsat etilgan xarajatlari oyiga 10 000 rubl bilan cheklanadi.
Aleksandra Skochichlenko ishi
2023 yilning noyabrida peterburglik rassom Aleksandra Skochilenko «Perekrestok» supermarketlaridan biridagi narx belgilarini Rossiyaning Ukrainaga qarshi urushi haqidagi ma’lumot varaqalari bilan almashtirgani uchun yetti yil qamoq jazosiga hukm qilindi. Qiz armiya haqidagi «feyklar» haqidagi modda bo‘yicha sudlandi.
Tavsiya etamiz
“O‘rgimchak to‘ri”: Ukraina qo‘lidagi kartalardan birini ochdi
Jahon | 21:12 / 04.06.2025
Dunyoda faqat bir mamlakat o‘zini oziq-ovqat bilan to‘liq ta’minlashi ma’lum bo‘ldi
Jahon | 18:47 / 04.06.2025
Islandiya sobiq prezidenti milliy bog‘ga gid bo‘lib ishga joylashdi
Jahon | 21:25 / 03.06.2025
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
So‘nggi yangiliklar
-
«U aqldan ozdi». Tramp va Mask tortishuvi yangi darajaga chiqdi - onlayn jang real vaqtda davom etmoqda
Jahon | 02:05
-
Balida sig‘imi 1 litrdan kichik suv idishlarni ishlab chiqarish taqiqlandi
Jahon | 01:03
-
Prezident Kapadzega qo‘ng‘iroq qilib, futbolchilarni mundial yo‘llanmasi bilan tabrikladi - video
Sport | 00:48
-
Qozog‘iston uzra noma’lum obektlar. Mudofaa vazirligi bayonot berdi
Jahon | 00:15
Mavzuga oid

08:40 / 13.05.2025
Xalqaro fuqaro aviatsiyasi tashkiloti MH17 halokati uchun Rossiyani javobgar deb topdi

17:02 / 12.05.2025
Rossiyada xorijliklarga tibbiy yordam ko‘rsatish tartibi o‘zgaradi

14:54 / 12.05.2025
Rossiya TIV: Avval Istanbuldagi muzokaralar, keyin - sulh mavzusi

13:00 / 12.05.2025