Qoʻshimcha funksionallar
-
Tungi ko‘rinish
Vovchansk uchun janglar davom etmoqda, Xarkiv o‘qqa tutilmoqda. Urush suratlari
Ukrainada urushning 838-kuni o‘tdi. Asosiy ma’lumotlar:
- Azov dengizida ukrain dronlari buksir va barjaga hujum qildi.
- RF qo‘shini Xarkivga uchta aviabomba tashladi. Sakkiz kishi yaralangan.
- Polshada harbiy zavodda portlash ro‘y berdi, bu yerda Ukraina uchun zenit-raketa komplekslari ham ishlab chiqarilgan.
- Finlandiya rossiyaliklar samolyoti o‘z havo kengligini buzib kirganini gumon qilmoqda. Bu holat mamlakat NATOga a’zo bo‘lganidan buyon ilk bor kuzatilgan.
- Belgoroddagi telegram-kanalda bolalarning gubernatorga murojaati joylandi — ular o‘z maydonchalari atrofida bombapanagohlar qurishni so‘rashgan.
- Ukraina oladigan F-16 qiruvchilarining bir qismi boshqa mamlakatlardagi aviabazalarga joylashtiriladi.
- Z harfi aks etgan bolaga do‘q urgan yekaterinburglik ayol uch yilga qamaldi.
- Shebekinoda o‘zini mudofaa qilish kuchlarining uch jangchisi hamda «Rossiya 24» telekanali xodimi minada portlab ketdi.
- Moskvada trizub aks etgan kulon uchun talaba yetti kun muddatga hibsga olindi. Uni Aleksey Navalniy dafn etilgan Borisov qabristoni hududida qo‘lga olishgan.
Xarkiv o‘qqa tutilishi
Xarkiv oblastida yurish qilishga urinayotgan Rossiya qo‘shini oblast markazi bo‘ylab zarbalar berishni davom ettirmoqda. Region rahbari Oleg Sinegubovning aytishicha, 10 iyun kuni shaharning Kiyev va Saltikov rayonlariga KAB-500 aviabombalari tashlangan.

Viacheslav Ratynskyi / Reuters / Scanpix / LETA

Sergey Bobok / AFP / Scanpix / LETA

Evgeniy Maloletka / AP / Scanpix / LETA
Vovchansk atrofidagi ukrain harbiylari hayoti
Xarkivdan 50 kilometr masofada Vovchansk uchun janglar davom etmoqda, Rossiya qo‘shinining shaharni bir hamlada egallab olishga bo‘lgan urinishi muvaffaqiyatsizlikka uchradi. Shahar qariyb to‘liq vayron bo‘lgan, Britaniyadagi The Guardian gazetasi Vovchansk haqidagi maqolasida uni «XXI asrning mini-Stalingradi», «o‘lim, qurollar ovozi va yaqin janglar joyi» deb atagan. Vaziyat og‘ir bo‘lishiga qaramay, ukrainalik harbiylar mudofaani ushlab turishga muvaffaq bo‘lmoqda. Rossiya qurolli kuchlari bo‘linmalari hamon shaharning shimoliy yarmini egallashga va shahar o‘rtasidan o‘tuvchi Volchya daryosini kechib o‘tishni uddalay olmagan. Ukraina qo‘mondonligi Vovchansk uchun janglarda qatnashayotgan harbiylariga dam berish uchun muntazam ravishda rotatsiya amalga oshirmoqda.

Sergey Kozlov / EPA / Scanpix / LETA

Sergey Kozlov / EPA / Scanpix / LETA

Sergey Kozlov / EPA / Scanpix / LETA

Sergey Kozlov / EPA / Scanpix / LETA

Sergey Kozlov / EPA / Scanpix / LETA
Chasiv Yar yaqinida yonib ketgan mashina
RF qo‘shini Donetsk oblastidagi Chasiv Yar shahrini ham egallashga harakat qilmoqda, bu frontning mazkur uchastkasidagi janglar uchun strategik ahamiyatga ega aholi yashash punktidir. Ukrainadagi telegram-kanallar 9 iyun kuni Rossiya qo‘mondonligi bir necha kundan buyon Kanal mikrorayonida kuch to‘playotgani haqida yozgan — bu Chasiv Yarning sharqiy chekkasi sanaladi. «Ukrainskaya pravda»ning Ukraina qurolli kuchlaridagi manbasi ham rossiyalik harbiylar shahar sharqiy chekkasida turgani va artilleriya hamda dronlar ko‘magida oldinga siljishga urinayotganini tasdiqlagan.

Jose Colon / Anadolu / Getty Images
Tavsiya etamiz
O‘zbekiston fuqarolari uchun Kanada, Argentina va Avstraliya vizasini olish osonlashishi mumkin
O‘zbekiston | 19:46 / 07.07.2025
Fermerlar yana sinov qarshisida: moratoriylar nima bo‘ladi?
O‘zbekiston | 16:39 / 07.07.2025
2025 yilgi iyun ekstremal quruq oy bo‘ldi – O‘zgidromet
O‘zbekiston | 15:03 / 07.07.2025
O‘zbekiston BRIKSning hamkor davlatiga aylandi
O‘zbekiston | 11:41 / 07.07.2025
So‘nggi yangiliklar
-
Interpol firibgarlik uchun qidiruvda bo‘lgan O‘zbekiston fuqarosini Litvada qo‘lga oldi
Jamiyat | 23:47 / 08.07.2025
-
O‘zbekistonda IELTS imtihonini qog‘ozda topshirish tartibi bekor qilinadi, xorijdan qaytgan fuqarolar majburiy tibbiy tekshiruvdan o‘tkaziladi - mahalliy dayjest
O‘zbekiston | 23:35 / 08.07.2025
-
AQSh import bojlaridan keladigan daromad 300 mlrd dollardan oshishini kutmoqda
Jahon | 23:23 / 08.07.2025
-
Jazirama ortda qoldi. Oldinda – mo‘tadil yoz
Jamiyat | 23:03 / 08.07.2025
Mavzuga oid

18:40 / 08.07.2025
Dronlar hujumi natijasida Rossiya qancha yo‘qotmoqda va bu Ukrainaning o‘ziga qanchaga tushmoqda?

11:31 / 08.07.2025
Tramp AQSh Ukrainaga qurol yetkazishda davom etishini aytdi

09:14 / 08.07.2025
Klichko Germaniya kanslerini Ukrainaga TAURUS raketalarini berishga chaqirdi

07:21 / 08.07.2025