Bu yil OTM va professional ta’lim muassasalariga qabul hamda imtihon birga bo‘ladi
2024 yil OTMga qabuldagi yirik o‘zgarishlardan biri OTM va professional ta’lim muassasalariga qabulning bir vaqtda o‘tkazilishi bilan bog‘liq. Endi abituriyent bir marta imtihon topshiradi va to‘plagan balli bilan OTMga yoki professional ta’lim muassasasiga kirishi mumkin.

Qabulga oid prezident farmonida abituriyentlar o‘z tanloviga ko‘ra test sinovi natijasida to‘plagan ballidan kelib chiqib, dastlab oliy ta’limning bakalavriat ta’lim yo‘nalishlariga, so‘ng professional ta’lim muassasalariga o‘qishga kirish uchun tanlovda ishtirok etadi, deb belgilangan.
Bilimlarni baholash agentligi mas’ul xodimi Jamshidbek Odilov bu tartibning qanday ishlashi haqida tushuntirib berdi.
Uning tushuntirishicha, bu OTM va professional ta’lim muassasalariga qabul va imtihonlar bir vaqtda amalga oshirilishini anglatadi. Abituriyent hujjat topshirish payti faqat imtihon topshirish uchun ro‘yxatdan o‘tadi va test topshiradi.
So‘ng to‘plagan balliga qarab xohlasa ikkinchi bosqichda OTM va yo‘nalish tanlab ro‘yxatdan o‘tadi. Balli yetsa, OTMda o‘qishni tanlashi yoki o‘sha balli asosida professional ta’lim muassasalaridan birini tanlashi mumkin.
“Oldingi yillardagi tajribada texnikum imtihonlariga ham, asosan, OTMlarga imtihon topshirgan va yiqilgan yoki kontrakt muammosi sabab o‘qiy olmagan abituriyentlar qaytadan qatnashardi. Shuning uchun ham OTM va professional ta’lim muassasalariga imtihonni bitta qilish taklifi berilgandi va bu tasdiqlandi.
Endi abituriyent imtihonda qatnashib, istasa, qabulning 2-bosqichida OTM yo‘nalishlarini tanlashi yoki aynan o‘sha balli bilan professional ta’lim tashkilotiga qabul ochilganda yo‘nalish tanlashi mumkin. Bunda OTMga balli yetmagan abituriyentlar texnikumlar tanlovida qatnasha oladi.
Jamshid Odilovning aniqlik kiritishicha, abituriyentlar uchun professional ta’lim tashkilotlariga qayta imtihon o‘tkazilmaydi. Abituriyent yo‘nalish tanlayotganda buni e’tiborga olishi zarur.
Tavsiya etamiz
“O‘rgimchak to‘ri”: Ukraina qo‘lidagi kartalardan birini ochdi
Jahon | 21:12 / 04.06.2025
Dunyoda faqat bir mamlakat o‘zini oziq-ovqat bilan to‘liq ta’minlashi ma’lum bo‘ldi
Jahon | 18:47 / 04.06.2025
Islandiya sobiq prezidenti milliy bog‘ga gid bo‘lib ishga joylashdi
Jahon | 21:25 / 03.06.2025
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
So‘nggi yangiliklar
-
Slovakiya deputatlar Rossiyaga qarshi sanksiyalar uchun ovoz bermaslikka chaqirdi
Jahon | 12:12
-
NNT xorijiy safarlar haqida Adliya vazirligini xabardor qiladi
O‘zbekiston | 12:09
-
Tramp va Mask ochiqchasiga urishib ketdi
Jahon | 12:05
-
O‘zbekiston mundialga chiqqan tarixiy o‘yindan fotogalereya
Sport | 11:54
Mavzuga oid

23:11 / 18.04.2025
Toshkent va Moskva migrantlarni tanlab olish jarayonini O‘zbekistonga ko‘chirish ustida ishlamoqda

20:18 / 27.03.2025
Karmanada maktab o‘quvchisi oliygohga kirish uchun muddatidan avval maksimal ballni to‘pladi

12:24 / 18.02.2025
OTM bitiruvchilarini ishga joylashishiga ko‘maklashuvchi dastur amalga oshiriladi

10:19 / 15.02.2025