«Mirziyoyevning tabiatni saqlash bo‘yicha tashabbuslari va qarorlarini qo‘llab-quvvatlaymiz» – Valeriya Hikki
Ayni kunlarda Samarqand shahrida BMTning yovvoyi hayvon turlarining ko‘chib yurishini saqlash bo‘yicha Konvensiya (CMS COP14) ishtirokchilari Konferensiyasining 14-yig‘ilishi bo‘lib o‘tmoqda. Jahon bankining atrof-muhit, tabiiy resurslar va yashil iqtisodiyot bo‘yicha global direktori Valeriya Hikki O‘zbekiston hukumatining bu borada olib borayotgan ishlarini ijobiy baholadi.
Samarqanddagi yig‘ilishda iqlim o‘zgarishi, atrof-muhitni himoya qilish, yovvoyi hayvonlarni asrab qolish bo‘yicha dunyoning nufuzli tashkilotlari vakillari qatnashmoqda. Ular O‘zbekistonning so‘nggi yillarda atrof-muhit sofligini saqlash bo‘yicha olib borayotgan ishlariga ijobiy baho berishmoqda.
Jumladan, yig‘ilish qatnashchisi – Jahon bankining atrof-muhit, tabiiy resurslar va yashil iqtisodiyot bo‘yicha global direktori Valeriya Hikki O‘zbekistonda olib borilayotgan ishlarni ijobiy baholaydi.
“So‘nggi yillarda Samarqandda, umuman O‘zbekistonda ekologiya masalalari muhokama etiladigan keng ko‘lamli tadbirlar o‘tkazilmoqda. Jahon bankining asosiy vazifalaridan biri qashshoqlikni kamaytirish bilan bog‘liq. Ekologiya muammolari bunga ta’sir qilmasdan qolmaydi. Ushbu konferensiyada bizning maqsadimiz faqat yovvoyi hayvon turlari yo‘qolib ketishining oldini olish emas, balki tabiatni asrash, O‘zbekiston va Markaziy Osiyo tajribasini o‘rganish hamda ularni qo‘llab-quvvatlash. Biz davlatingiz rahbarining ushbu yo‘nalishdagi takliflarini va qarorlarini qo‘llab-quvvatlaymiz. E’tiborlisi shundaki, O‘zbekiston qo‘shni mamlakatlar bilan yaxshi munosabatlar o‘rnatgan va muzokaralar orqali ular bilan birgalikda iqlim o‘zgarishiga qarshi kurashmoqda. Aynan shuning uchun mamlakat yovvoyi hayvon turlarining yo‘qolib ketishining oldini olishda natijalarga erishmoqda”, deydi u.
Ma’lumot uchun BMTning yovvoyi hayvon turlarining ko‘chib yurishini saqlash bo‘yicha Konvensiyasi (CMS COP14) ishtirokchilari Konferensiyasining yig‘ilishlari har uch yilda bir o‘tkaziladi.
Samarqanddagi xalqaro tadbir 17 fevral kunigacha davom etadi va unda yovvoyi hayvonlarning ko‘chib yuruvchi turlarini yashash muhitini saqlash va tiklash masalalari, shuningdek, haddan tashqari ekspluatatsiya, yashash joylarining yo‘qolishi va parchalanishi, ifloslanish va iqlim o‘zgarishi kabi turlarga tahdidlar muhokama qilinadi.
Tavsiya etamiz
“O‘rgimchak to‘ri”: Ukraina qo‘lidagi kartalardan birini ochdi
Jahon | 21:12 / 04.06.2025
Dunyoda faqat bir mamlakat o‘zini oziq-ovqat bilan to‘liq ta’minlashi ma’lum bo‘ldi
Jahon | 18:47 / 04.06.2025
Islandiya sobiq prezidenti milliy bog‘ga gid bo‘lib ishga joylashdi
Jahon | 21:25 / 03.06.2025
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
So‘nggi yangiliklar
-
Xitoyda yuzlab robotlar uchta tarixiy binoni ko‘chirdi
Jahon | 18:13
-
FIFA prezidenti Shavkat Mirziyoyevga maktub yo‘lladi
Sport | 18:01
-
Ukraina bo‘ylab yopirilma zarbalar: 400 dan ortiq dron va 40 ta raketa uchirilgan
Jahon | 17:54
-
Turkmanistonda «Do‘zax darvozasi» olovini o‘chirish jarayoni boshlandi
Jahon | 17:54
Mavzuga oid

21:46 / 02.06.2025
Annalena Berbok BMT Bosh Assambleyasining 80-sessiyasi raisi etib saylandi

01:02 / 30.05.2025
To‘qayev Qozog‘iston BMTni isloh qilish tarafdori ekanini ma’lum qildi

13:25 / 29.05.2025
Falastinliklar G‘azodagi BMT omboriga bostirib kirdi

10:48 / 22.05.2025