Qashqadaryoda ikki bola noma’lum kasallikdan vafot etdi
6 yoshli qizaloq bir necha kun avval vafot etgan 4 yoshli bolaning amakivachchasi bo‘lib, ular bir hovlida yashashgan. Shifokorlar ularning dardiga tashxis qo‘ya olmagan.

Foto: Kun.uz
Qashqadaryo viloyati G‘uzor tumanida yana bir bola noma’lum kasallikdan vafot etdi. U 2022 yil 20 iyun kuni noma’lum kasallikdan vafot etgan 4 yoshli bolaning 6 yoshli amakivachchasidir. Qizaloq so‘nggi kunlarda og‘ir ahvolda shifoxonaning jonlantirish bo‘limiga yotqizilgandi.
Kun.uz manbasiga ko‘ra, shifokorlar ahvoli og‘ir bo‘lgan bolani bir necha kun davomida tekshirib, u qanday dardga chalinganini aniqlay olmagan. Shuningdek, Samarqand shahridan yordamga chaqirilgan shifokorlar ham bolaga aniq tashxis qo‘ya olmagan.
Oradan bir kun o‘tib, bola bilan bir hovlida yashagan uning amakivachchasi, 6 yoshli qizaloqning ham mazasi qochgan va u ham tuman tibbiyot birlashmasining jonlantirish bo‘limiga yotqizilgan.
Qarindoshlarining xabar berishicha, 23 iyun kuni tunda 6 yoshli qizcha ham vafot etgan.
G‘uzorda 4 yoshli bolaning noma’lum kasallikdan vafot etgani yuzasidan Sog‘liqni saqlash vazirligi matbuot xizmati munosabat bildirgan. Unga ko‘ra, vazirlik tomonidan malakali professor-shifokorlardan iborat maxsus tibbiy brigada tuzilib, zudlik bilan G‘uzor tumaniga yuborilgan.
«Mazkur holatni o‘rganish va vaziyatga aniqlik kiritish maqsadida Sog‘liqni saqlash vazirligi tomonidan malakali professor-shifokorlardan iborat maxsus tibbiy brigada tuzilib, zudlik bilan G‘uzor tumaniga yuborildi. Sog‘liqni saqlash vazirligi bu holatni o‘z nazoratiga olgan. O‘rganish natijalari haqida batafsil ma’lumot beriladi», deyiladi SSV munosabatida.
Tavsiya etamiz
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
Hozirda sirtqi ta’limda o‘qiyotganlar o‘qishini qay tartibda davom ettiradi?
O‘zbekiston | 11:14 / 17.06.2025
Qo‘rquv, shok va sarosima: Eronda nimalar bo‘lmoqda?
Jahon | 19:57 / 16.06.2025
Urush boshlandi, Netanyahu eronliklarni isyonga chorladi – hafta dayjesti
Jahon | 20:41 / 15.06.2025
So‘nggi yangiliklar
-
Eron Trampning so‘zlaridan keyin AQShga norozilik notasi yubordi
Jahon | 01:25
-
Eron Isroilga qarata yangi turdagi ballistik raketani uchirdi
Jahon | 00:36
-
Rossiya Finlandiya chegarasi yaqinida qo‘shinlarini ko‘paytirmoqda – OAV
Jahon | 23:56 / 18.06.2025
-
XAEA rahbari Eron yadro quroli ishlab chiqarayotganiga hech qanday dalil yo‘qligini aytdi
Jahon | 23:26 / 18.06.2025
Mavzuga oid

15:27 / 15.04.2025
Qashqadaryoda YPX xodimiga faol qarshilik ko‘rsatgan haydovchi qamoqqa olindi

14:22 / 05.02.2025
Saudiya Arabistonida og‘ir kasallikka chalingan fuqaro O‘zbekistonga qaytarildi

22:06 / 28.01.2025
Hindistonda 17 kishi noma’lum kasallikdan vafot etdi

09:33 / 16.01.2025