2022 yilda restavratsiya qilinadigan obidalar ro‘yxati shakllantirildi
2022 yil davomida asrashga doir ishlar amalga oshiriladigan moddiy madaniy meros ko‘chmas mulk obektlarining manzilli ro‘yxati tasdiqlandi. Bu haqda Madaniy meros agentligi xabar bermoqda.

Foto: Madaniy meros agentligi
Unga ko‘ra, ro‘yxatdan jami 34 ta madaniy meros obekti o‘rin olgan va ularni ta’mirlash-tiklash ishlari uchun jami 75 mlrd so‘m sarflanishi rejalashtirilgan. Har yili respublika bo‘yicha avariya holatidagi yoki e’tibordan chetda qolgan madaniy meros obektlarini restavratsiya va ta’mirlash-tiklash ishlari uchun milliy ro‘yxat shakllantiriladi.
Joriy yilgi ro‘yxatga ko‘ra, ko‘plab tanqidlarga sabab bo‘lgan Bahodir Yalangto‘shbiy madrasasi, Talipoch qal’a qoldiqlari, «Ulug‘bek» madrasasi, Amir Olimxon madrasasi, Ko‘k gumbaz, Oq Saroy, Islom Xo‘ja yozgi qarorgohi, Chodra hovli kabi obektlarda restavratsiya ishlari olib borilishi rejalashtirilgan.
Buxoro «Ark» qo‘rg‘oni majmuasidagi Qushbegi, Saisxona, Salomxona, Taxtxona madaniy meros obektlarida ham ta’mirlash tiklash ishlari olib boriladi. Eng e’tiborga molik loyihalardan biri esa — «Ark» qo‘rg‘oni majmuasi vayronalari qismida «Arxeologik park» tashkil qilish. Buxoro shahridagi «Masjidi Kalon» (Poi Kalon majmuasi) qulab tushgan qismlar va ta’mirtalab devorlarini ta’mirlash-qayta tiklash, atrofini obodonlashtirish ishlarini ham 2022 yilning IV choragida amalga oshirish rejalashtirilgan.
Bundan oldin madaniy meros yodgorliklariga zarar yetkazilgani haqida ishonch telefoni orqali xabar berish yo‘lga qo‘yilgandi.
Tavsiya etamiz
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
Hozirda sirtqi ta’limda o‘qiyotganlar o‘qishini qay tartibda davom ettiradi?
O‘zbekiston | 11:14 / 17.06.2025
Qo‘rquv, shok va sarosima: Eronda nimalar bo‘lmoqda?
Jahon | 19:57 / 16.06.2025
So‘nggi yangiliklar
-
Buxorodagi xususiy bog‘chada uch yoshli bola tok urishidan vafot etdi
Jamiyat | 20:42
-
Shavkat Mirziyoyev Shahrisabzdagi «Miraki» xalqaro turizm markaziga tashrif buyurdi
O‘zbekiston | 20:25
-
Interpol sobiq rahbari shaxslarni pora evaziga qidiruvdan olib tashlaganlikda gumonlanmoqda
Jahon | 20:23
-
Moskva davlat universitetining Toshkent filialida 2025/26 o‘quv yili uchun qabul boshlandi
Jamiyat | 19:00
Mavzuga oid

18:17 / 16.04.2025
Toshkentdagi Hazrati Imom majmuasi restavratsiya qilinadi

14:14 / 19.03.2024
Eron O‘zbekistondagi madaniy meros obektlari restavratsiyasida qatnashmoqchi

08:13 / 25.08.2023
O‘zbekistonda 8 mingdan ortiq madaniy meros obekti davlat muhofazasiga olingan

17:25 / 30.11.2022