Bog‘chada ingliz yoki rus tili guruhlarini ko‘p so‘rashadi – MTT rahbari

Sirdaryo viloyati Guliston shahrida joylashgan «Quvonch» nomli xorijiy tillarga ixtisoslashgan tayanch maktabgacha ta'lim tashkiloti 1985 yilda qurib topshirilgan. Bu yerda 20ta guruh mavjud bo‘lib, 550 nafar bola ta'lim-tarbiya olmoqda. Bu haqda MTT direktori Dilorom Xolmatova Kun.uz’ga ma'lum qildi.

{Yii::t(}

O'tkazib yuborish 6s

Hozirda maktabgacha ta'lim tashkilotida 11ta to‘garak tashkil qilingan. Bolalar uchun gimnastika, badiiy gimnastika, karate, taekvondo, raqs, bolalarning xotirasini yaxshilab borish uchun mental arifmetika to‘garaklari bor. Ularning salomatligini doimiy nazorat qilish va yaxshilash maqsadida fitobarlar, fizioterapevt xonasi mavjud. Shifokorlar tomonidan massaj qilib boriladi. Shuningdek, logoped, psixologlarimiz ham bolalarni maktabga tayyorlab borishadi.

Ingliz va rus tilini chuqurlashtirib o‘rgatish uchun guruhlar tashkil qilingan bo‘lib, hozirda ota-onalar tomonidan eng ko‘p qiziqish bildirilmoqda. Bolalar bilan tashkil qilinayotgan darslar va turli to‘garak mashg‘ulotlari telegram tarmog‘i orqali doimiy ravishda yoritib boriladi. Ota-onalar o‘z farzandlarini doimiy ravishda kuzatib borish imkoniga ega.

#bog‘cha #Guliston shahri