Kanadada sentyabrda navbatdan tashqari parlament saylovlari bo‘lib o‘tadi

“General-gubernator parlamentni tarqatib yuborish haqidagi iltimosimni qabul qildi. Shunday qilib, kanadaliklar 20 sentyabrda ovoz beradi”, deb aytgan Tryudo. Shunday qilib, saylovoldi kampaniyasi qonun bilan yo‘l qo‘yiladigan eng kam vaqt – 36 kun davom etadi.

Kanadada navbatdagi parlament saylovlari o‘tkazilishi 2023 yilga belgilangandi. Biroq ayni vaqtda Tryudo boshchiligidagi Liberal partiya parlamentda ko‘pchilikka ega emas. Oxirgi vaqt bosh vazir parlamentni sustkashlik va hukumat kun tartibini ma'qullashdagi murakkabliklar uchun tanqid qilib kelgan. CBC telekanali ma'lumotlariga ko‘ra, Tryudo pandemiyaga qarshi kurashdagi muvaffaqiyatlar ortida aholi tomonidan qo‘llab-quvvatlanayotganidan foydalanib, iloji boricha tezroq saylovlarni o‘tkazmoqchi va ko‘pchilik hukumatini shakllantirmoqchi.