O‘zbekistonlik harbiy xalqaro kinologlar tanlovida g‘olib chiqdi

O‘zbekistonlik harbiy, kichik serjant Sodiq Dilmurodov «Klif» laqabli iti bilan xalqaro tanlovda g‘alaba qozondi.

Foto: Rossiya Federatsiyasi Mudofaa vazirligi

Moskva viloyatida Rossiya Federatsiyasi Mudofaa vazirligi tomonidan tashkil qilingan «Verniy drug» xalqaro kinologiya tanlovi o‘tkazilmoqda. Unda Rossiya, Belarus, O‘zbekiston, Jazoir, Isroil va Vetnam harbiylari ishtirok etmoqda.

26 avgust kuni «Dog-biatlon» qoidasi asosida «Chempionlar poygasi» final bosqichi o‘tkazildi. Unda o‘zbekistonlik kichik serjant Sodiq Dilmurodov «Klif» laqabli ovcharkasi bilan g‘alaba qozondi. Ikkinchi o‘rinni «Konni» laqabli ovcharkasi bilan ishtirok etgan rossiyalik Ivan Kirkin, uchinchi o‘rinni «Deks» laqabli iti bilan qatnashgan belaruslik Aleksey Nikonchuk egalladi.

G‘oliblarga sovrinlarni Rossiya Mudofaa vazirligining jamoatchilik kengashi a'zolari topshirdi.

Tanlov 31 avgustgacha davom etadi.

2-y etap mejdunar-go kinologicheskogo konkursa «Vernyy drug» - «300 metrovaya polosa prepyatstviy s sobakami».
🇺🇿1 mesto -Uzbekistan.
🇷🇺2 mesto -DOSAAF Rossiya
8 komand iz 6-ti stran svoye masterstvo pokazyvayut 30 kinologich-x raschetov.
Aljir, Vetnam, Belarus, Uzbekistan i Izrail. pic.twitter.com/8IB5pRz1yY
— Spartak Sokotov (@Spartak11031968) August 26, 2020