Volgogradda o‘zbekistonlik o‘n nafar talabada koronavirus aniqlandi

«Mamlakatimizning Rostov-Don shahridagi Bosh konsulxonasi xabariga ko‘ra, ayni paytda universitet administratsiyasi bilan aloqa o‘rnatilib, vaziyat nazoratga olingan.

Kasallikka chalingan 10 nafar talaba COVID-19 dan davolanishga ixtisoslashgan shahar shifoxonasiga yotqizildi.

Koronavirusga chalingan bemorlar bilan aloqada bo‘lgan barcha kishilar Volgograd davlat agrar universitetining talabalar turar joyi binosida karantinga olingan», deyiladi agentlik xabarida.

16 mart kuni O‘zbekiston hukumati koronavirus tarqalishi xavfi tufayli boshqa davlatlar bilan transport aloqalarini to‘xtatgan bo‘lib, xorijiy mamlakatlarda qolib ketgan vatandoshlar O‘zbekistonga maxsus (charter) reyslar orqali olib kelinmoqda. TIVning ma'lum qilishicha, 15-20 iyun kunlari Rossiyadan 1 ming 118 o‘zbekistonlik vatanga qaytarilgan.

15 iyundan boshlab O‘zbekiston koronavirus bilan bog‘liq vaziyat rivojlanayotgan mamlakatlar – Yaponiya, Xitoy, Janubiy Koreya va Isroil bilan parvozlarni qayta boshladi. Rossiyaga parvozlar maxsus reyslar shaklida davom etadi, maxsus komissiya qaroriga ko‘ra ushbu davlatdan olib kelinadigan yo‘lovchilar 14 kunlik majburiy karantinga joylashtiriladi.