Chashma bulog‘i panjara bilan o‘raladi, So‘x–Rishton yӯlini ochish masalasi ko‘rib chiqiladi

So‘x tumani matbuot xizmati xabar berishicha, janjal natijasida Ӯzbekiston Respublikasi hududidagi uchta xonadonda yong‘in kelib chiqqan.

«Zarar kӯrgan oilalar xonadonlarini qisqa muddatda tiklab beramiz. Chashma bulog‘i bu mӯ'jiza, insonlarga yaratgan egam tomonidan berilgan ne'mat. Shuning uchun, bu muqaddas chashmadan ham bizning fuqarolar, ham qӯshni respublika fuqarolari birdek foydalanishadi», degan Abdulla Aripov.

Kelishuvga binoan, chashma bulog‘ining atrofi panjara bilan ihotalanib, uning hududida zamonaviy dam olish maskani barpo etiladigan bӯldi.

Uchrashuvda So‘x tumani aholisi bosh vazirga ularni qiynayotgan muammo va kamchiliklar haqida gapirib, ularning yechilishida amaliy yordam kӯrsatishni talab qilishdi. Ӯzbekiston bosh vaziri tashabbusi bilan yaqin kunlarda tumanda obodonchilik ishlari boshlanishi ma'lum qilindi.

Obodonlashtirish ishlariga 1000 nafar yoshlar jalb etilishi ta'kidlandi. Qӯshni respublika bilan kelishilgan holda yaylovlardan foydalanish, suv muammosini hal etish, tumanda joylashgan Qayroq, Javpaya, Toyon massivlarini ӯzlashtirish va shu yӯl bilan aholi ӯrtasida ishsizlik muammosini hal etilishiga erishish ham qayd etildi.

Mahalliy aholini qiynayotgan eng asosiy masala – yӯl muammosi ham ӯrtaga tashlandi. So‘x–Rishton yӯli ham ikki davlat hukumatining ӯzaro kelishuviga binoan ochilishi ham ta'kidlanib ӯtildi. So‘x tumaniga koridor ochib berish masalasi ham uchrashuv davomida kӯrib chiqildi.

Shuningdek, ikki davlat ӯrtasidagi hal etilmagan hududlar bӯyicha ham delimitatsiya va demarkatsiya ishlari bir vaqtda amalga oshirilishi alohida aytib ӯtildi. Uchrashuv davomida bosh vazir koronavirus pandemiyasi tufayli Farg‘onada qolgan 300 nafardan ortiq so‘xliklar So‘x tumaniga olib kelinishini ta'kidladi. Shu bilan birgalikda, So‘x tumanida viloyatning boshqa shahar va tumanlaridan turli yumushlar bilan kelgan 100dan ortiq kishi qolib ketgan.

«Chechme-Avtodorojniy» nazorat-o‘tkazish punktida ikki davlat fuqarolarining uchrashuvi ham bӯlib ӯtgan.

Uchrashuvga Abdulla Aripov va Kubatbe Boronov boshchilik qilishgan. Uchrashuvda ikki xalq va millatning dӯstligi, ӯzaro hamjihatlik rishtalari asrlarga tatigulik ekanligi qayd etildi.

«Bizning dӯstligimiz ming yillardan sarchashma oladi. Bizning bozorimiz ham, mozorimiz ham bir. Bӯlib ӯtgan voqealardan zaruriy xulosa chiqarib, dӯstligimizni mustahkamlashga albatta erishamiz», deyishdi xalq vakillari.