Dunyoda bo‘sh bo‘lgan yirik neft tankerlari deyarli qolmadi

Bu haqda Financial Times nashri xabar berdi. 

Ta'kidlanishicha, 2 mln barrelgacha neft sig‘dira oladigan VLCC sinfidagi yirik tankerlarga talab pasaymoqda, chunki hozirda bunday bo‘sh kemalarni topish amrimaholdir. Shu sababli ularni yollash (fraxt) narxi ham tusha boshlagan. Hozirda VLCC sinfidagi tankerlarni yollash narxi kuniga 167 ming dollargacha tushib ketdi.  

Aksincha, kichikroq sig‘imga ega tankerlarga talab va narx oshib ketdi. Gap 800 ming barrelgacha neft oladigan Long Range 2 va sig‘imdorligi 345 mingdan 615 ming barrelgacha bo‘lgan Long Range 1 turidagi tankerlar haqida bormoqda. Long Range 2 fraxti narxi rekord darajagacha - kuniga 173 ming dollargacha, Long Range 1 fraxti narxi esa 2 barobarga qimmatlashib, kuniga 112 ming dollargacha oshib ketdi.

Quruqlikdagi aksariyat omborlar to‘lib bo‘lgani yoki ijaraga berilgani sababli neft tankerlariga murojaat qilishga to‘g‘ri kelmoqda. 

Neft treyderlarining aytishicha, fraxt narxi oshishiga ta'sir qilayotgan boshqa omillar ham bor. Jumladan, koronavirus pandemiyasi sababli ko‘plab portlarda, ayniqsa AQShda, neft tushirish qiyinlashgan. Bu esa tankerlarning ularni bo‘shatish sezilarli ushlanishlarsiz amalga oshiriladigan davlatlarga qayta yo‘naltirilishiga olib kelmoqda.

“Fraxtga joriy rekord narxlar aniq uzoq vaqt saqlanib qolmaydi, biroq tankerlar taqchilligi mavjud ekan, narxlar yaqin oylarda yuqori bo‘ladi”, deb aytgan Clarksons tahlilchisi Frode Merkedal