O‘zbekiston fuqarosi Vladimir oblastida soxta pasport bilan uch yil yashadi

2015 yilning oktabrida Moskva oblastidagi Ximki shahrida o‘zbekistonlik erkak o‘z pasportini noma'lum shaxsga bergan, u vaqtinchalik yashash joyi haqida muhr qo‘yishi kerak edi, deya xabar beradi «Komsomolskaya pravda».

O‘zbekistonlik unga xizmat uchun 90 ming rubl (11 mln so‘m) to‘laydi. Shundan so‘ng, jinoyatchi 2015 yilning noyabridan 2018 yil fevraliga qadar soxta muhrga ega pasportdan foydalangan, u go‘yoki Rossiya Federatsiyasida vaqtinchalik yashash uchun ruxsatnomani tasdiqlagan.

Rasmiy ma'lumotlarga ko‘ra, erkak Moskva oblastida vaqtinchalik yashash uchun ruxsatnoma rasmiylashtirmagan, Rossiya IIVning Vladimir oblasti bo‘yicha boshqarmasida bunday ma'lumotlar bo‘lmagan.

Tekshiruv materiallari prokuratura tomonidan huquqni muhofaza qilish organlariga jinoyat ta'qib qilish bo‘yicha masalani hal qilish uchun topshirildi. Rossiya IIVning «Muromskiy» tumanlararo bo‘limi tomonidan o‘tkazilgan tekshiruv natijalariga ko‘ra, O‘zbekiston Respublikasi fuqarosiga nisbatan soxta hujjatdan atayin foydalanganlik holati bo‘yicha jinoiy ish qo‘zg‘atildi.