Ўзбекистон фуқароси Владимир областида сохта паспорт билан уч йил яшади

2015 йилнинг октябрида Москва областидаги Химки шаҳрида ўзбекистонлик эркак ўз паспортини номаълум шахсга берган, у вақтинчалик яшаш жойи ҳақида муҳр қўйиши керак эди, дея хабар беради «Комсомольская правда».

Ўзбекистонлик унга хизмат учун 90 минг рубль (11 млн сўм) тўлайди. Шундан сўнг, жиноятчи 2015 йилнинг ноябридан 2018 йил февралига қадар сохта муҳрга эга паспортдан фойдаланган, у гўёки Россия Федерациясида вақтинчалик яшаш учун рухсатномани тасдиқлаган.

Расмий маълумотларга кўра, эркак Москва областида вақтинчалик яшаш учун рухсатнома расмийлаштирмаган, Россия ИИВнинг Владимир области бўйича бошқармасида бундай маълумотлар бўлмаган.

Текширув материаллари прокуратура томонидан ҳуқуқни муҳофаза қилиш органларига жиноят таъқиб қилиш бўйича масалани ҳал қилиш учун топширилди. Россия ИИВнинг «Муромский» туманлараро бўлими томонидан ўтказилган текширув натижаларига кўра, Ўзбекистон Республикаси фуқаросига нисбатан сохта ҳужжатдан атайин фойдаланганлик ҳолати бўйича жиноий иш қўзғатилди.