Juda katta bo‘g‘ma ilon 68 kilogramm keladigan sirtlonni yutib yubordi (video)

Keniyaning Masai-Mara (Sharqiy Afrika) qo‘riqxonasida to‘rt metrli bo‘g‘ma ilon 68 kilogramm og‘irlikka ega sirtlonni butunligicha yutib yubordi. Ro‘y bergan hodisa videoyozuvi National Geographic tomonidan taqdim etildi. Ta'kidlanishicha, rolik Niderlandiyadan bo‘lgan sayyoh Jos Bakker tomonidan tasvirga tushirilgan.

Qo‘riqxona xodimi Mayk Kovalskining so‘zlariga ko‘ra, bo‘g‘ma ilonlar doimiy ravishda yirtqichlar bolalari bilan oziqlanadi, biroq yirik yirtqichlarga hujum qilmaydi. Olimlar rolikni tomosha qilib, Afrikadagi eng katta deya ataluvchi ilon sirtlonga hujum qilganini aniqlashdi.

Ta'kidlanishicha, bunday “qoyali” bo‘g‘ma ilonlar tajovuzkorligi bilan ajralib turadi hamda uzunligi olti metr, og‘irligi esa – 90 kilogrammdan oshishi mumkin.