Tramp: AQSh boshqa davlatlar ichki ishlariga aralashishga chek qo‘yadi

AQShning saylangan prezidenti Donald Tramp mamlakatining boshqa davlatlar ichki ishiga aralashish siyosatiga barham berish niyatida. 

"Tarix saboqlari va barqarorlikka, barcha narsada barqarorlikka ko‘maklashish istagi bizlarni oldinga yetaklaydi. Interventsiyalar oqibatida kelib chiqqan boshboshdoqlikning vayron qiluvchi davri, nihoyat tugashi kerak", — degan Tramp Shimoliy Karolinada bo‘lib o‘tgan mitingda. 

U, shuningdek, uning ma'muriyati "tuzumlarni ag‘darish" o‘rniga terrorizmga qarshi kurashga tayyor bo‘lgan barcha mamlakatlar bilan hamkorlik qilishini ta'kidladi. 

"Biz hech narsani bilmaydigan xorijiy tuzumlarga aralashmasligimiz kerak. Buning o‘rniga biz diqqatimizni IShIDni yo‘qotish va terrorizmga qarshi kurashga qaratishimiz kerak. Va biz shunday qilamiz. Bizning maqsadimizga sherik bo‘lgan har qanday davlat hamkorimiz bo‘ladi, biz buni unutmaymiz. Biz do‘stlikni mustahkamlaymiz va yangi do‘stlar qidiramiz", — degan Donald Tramp.