O‘zbekiston IIV saylov arafasida xavfsizlik choralarini kuchaytiradi

O‘zbekiston Ichki ishlar vazirligi prezident saylovi arafasida xavfsizlik choralarini kuchaytirmoqda. Bu haqda IIVning Inson huquqlarini himoya qilish va yuridik ta'minlash boshqarmasi boshlig‘i Ilhom Turg‘unovga asoslanib RIA Novosti xabar qilgan.

Prezident saylovlari 4 dekabr kunida bo‘lib o‘tadi. Markaziy saylov komissiyasi ma'lumotiga ko‘ra, O‘zbekiston prezidenti saylovini o‘tkazish uchun 9378ta saylov uchastkasi tuzildi, ularda 21,435 million nafar saylovchi ovoz berishi kutilmoqda. O‘zbekistonda rasman faoliyat ko‘rsatuvchi 4 partiyaning barchasi saylovlarda ishtirok etish uchun ko‘rsatgan nomzodlar ro‘yxatga olingan.

"Saylov okruglari va uchastkalarida xavfsizlikni ta'minlash maqsadida ichki ishlar xodimlari, avtotransport, aloqa va boshqa texnik vositalar yetarlicha miqdorda ajratildi. Saylov uchastkalariga yong‘in haqida avtomatik ogohlantiruvchi tizimlar o‘rnatildi", — degan Turg‘unov.

U eslatib o‘tganki, O‘zbekiston MSK saylov varaqalari va byulletenlarini hamda ovoz berish natijalari haqidagi bayonnomalarni tashishda xavfsizlikni ta'minlashni IIV zimmasiga yuklagan.

"Mazkur hujjat asosida IIV va uning mahalliy bo‘linmalari tomonidan saylov vaqtida jamoat tartibini saqlash, fuqarolar xavfsizligini ta'minlash, turli noxush holatlar oldini olish borasida tegishli ishlar olib borilmoqda", — deya qo‘shimcha qilgan u.