Ўзбекистон давлат хизматчилари учун Ирландияда малака ошириш курслари ташкил этилади

Ўзбекистоннинг Ирландиядаги элчиси Равшан Усмонов (қароргоҳи Лондон шаҳрида жойлашган) Дублинда ушбу мамлакат Ташқи ишлар ва савдо вазирлиги, Қўшимча ва олий таълим, тадқиқотлар, инновациялар ва фан вазирлиги раҳбарияти билан учрашувлар ўтказди.

Фото: "Дунё" АА

Мулоқот чоғида сиёсий, савдо-иқтисодий ва сармоявий ҳамда таълим соҳаларида ҳамкорликни янада жадаллаштириш масалалари бўйича фикр алмашилди.

Хусусан, қишлоқ хўжалиги, АКТ, фармацевтика ҳамда қайта тикланувчи энергия соҳалари истиқболли йўналишлар сифатида қайд этилди.

Шунингдек, икки давлат университетлари ўртасида ҳамкорлик ўрнатиш, қўшма таълим ва илмий дастурларни амалга ошириш ҳамда Ўзбекистон давлат хизматчилари учун Ирландияда қисқа муддатли малака ошириш курсларини ташкил этиш бўйича келишувларга эришилди.

Учрашувлар якунида икки мамлакат ўртасидаги ҳамкорликни ривожлантириш ва кенгайтириш учун мавжуд салоҳиятни рўёбга чиқариш бўйича доимий мулоқот ва шерикликни йўлга қўйиш муҳимлиги таъкидланди.

#Ирландия #давлат хизмати