Эрондаги чекловлар сабабли Дубай ва Шарм аш-Шайхга авиарейслар жадвали ўзгартирилди

Uzbekistan Airways Тошкентдан Дубай ва Шарм аш-Шайх йўналишларида қатновчи рейслар бўйича муҳим ахборот билан чиқди.

Эрон ҳаво ҳудудидан фойдаланиш бўйича жорий этилган чекловлар сабабли Uzbekistan Airways 2025 йил 15 июндан 30 июнгача Тошкент–Дубай ва Тошкент–Шарм аш-Шайх йўналишларидаги рейслар жадвалига ўзгартиришлар киритади:

HY333/334 рейслари:

• Тошкентдан учиш — 07:35, Дубайга етиб келиш — 11:00
• Дубайдан учиш — 12:30, Тошкентга етиб келиш — 17:30

HY341/342 рейслари (сешанба кунлари):

• Тошкентдан учиш — 08:50, Шарм аш-Шайхга етиб келиш — 13:20
• Шарм аш-Шайхдан учиш — 14:50, Тошкентга етиб келиш — 22:30

HY341/342 рейслари (чоршанба ва якшанба кунлари):

• Тошкентдан учиш — 08:35, Шарм аш-Шайхга етиб келиш — 13:05
• Шарм аш-Шайхдан учиш — 14:35, Тошкентга етиб келиш — 22:15

Бундан ташқари, Uzbekistan Airways 16 июндан 30 июнгача Тошкент – Тел Авив – Тошкент йўналиши бўйича парвозларни тўхтатишга мажбур бўлганини маълум қилди. Бу Тел-Авивдаги Бен-Гурион аэропорти ёпилиши билан боғлиқ.

Centrum Air Эрон ҳаво ҳудуди ёпилиши муносабати билан Тошкент – Дубай йўналиши бўйича парвоз йўналиши ўзгаргани ҳақида хабар берган.

Qanot Sharq компанияси 14 ва 15 июн кунлари Тел Авивга парвозлар бекор қилингани ҳақида хабар берди, Air Samarkand 15 июн куни Самарқанддан Тель Авивга парвозни бекор қилди.

Uzbekistan Airports маълумотларига кўра, хорижий авиакомпаниялар ҳам Тошкентга бир нечта рейсларни бекор қилган:

• FlyDubai авиакомпаниясининг Дубай — Тошкент — Дубай йўналиши бўйича FZ-1945/1946 рейслари;
• Air Arabia авиакомпаниясининг Шаржа — Тошкент — Шаржа йўналиши бўйича G9−270/271 рейслари;
• «Asia Union» авиакомпаниясининг Тошкент — Мадина — Тошкент йўналиши бўйича 7q-141/142 рейслари.