NYT: Россия Бразилиядан «жосуслар фабрикаси» сифатида фойдаланган

Россия разведка хизматлари Бразилияни АҚШ, Европа ва Яқин Шарқда миссияларни бажаришда чуқур яширин оперативлар учун «жосуслик фабрикаси»га айлантирди, деб ёзади 21 май, чоршанба куни The New York Times (NYT) ўз суриштируви натижаларига таяниб. Унга кўра, Бразилия контрразведка органлари ушбу рус жосусларининг ячейкасини аниқлаган ва Россия Федерациясининг Украинага қарши кенг кўламли уруши бошланганидан кейин уни йўқ қилган.

Журналистлар Бразилияда йиллар давомида яширинча яшаб, Бразилиянинг туғилганлик ҳақидаги гувоҳномалари ва паспортларини қўлга киритган, дўстлар орттирган ва у ерда иш топган рус агентлари ҳақидаги ҳикояларни келтирди. «Бири заргарлик бизнесини очди. Яна бири сарғиш, кўк кўзли модель эди. Учинчиси Америка университетига қабул қилинди. Норвегияда иш топган бразилиялик тадқиқотчи ва охир-оқибат Португалияга кетган эр-хотин бор эди», деб ёзади NYT.

Юзлаб ҳужжатларни таҳлил қилиб, уч қитъада ўнлаб полиция ва разведка ходимларидан интервью олган суриштирув муаллифларининг айтишича, Бразилия Россиянинг энг элита разведка зобитлари учун «йиғиш конвейери» ва «учириш майдончаси»га айланган.