Тошкентдаги Сингапур менежментни ривожлантириш институтида очиқ эшиклар куни ўтказилади

20 май куни соат 10:00 дан 17:00 гача Тошкентдаги Сингапур менежментни ривожлантириш институтида “Очиқ эшиклар куни” бўлиб ўтади.

Шу куни сиз ҳамкор институтлар, дастурлар, талабалар учун яратилган шарт-шароитлар, қабул талаблари, ички имтиҳон ҳамда тайёрлов курслари ҳақида яқиндан танишиб чиқишингиз мумкин бўлади.

Сиз учун ушбу кунда институтнинг Show Biz Club аъзолари томонидан мусиқий тадбир ҳам ўтказилади.

Очиқ эшиклар кунида олийгоҳга ташриф буюрган меҳмонларни махсус кўнгиллилар гуруҳи қарши олиб, ТСМРИдаги таълим тизими, ўқув дастурлари, мавжуд йўналишлар, фанлар ҳамда педагоглар билан яқиндан таништиришади.

Шунингдек, абитуриентлар ўқишга киришнинг асосий талаб ва мезонлари билан ҳам батафсил таништирилади.

Экскурсия давомида абитуриентлар институтнинг дарсхоналари, кутубхонаси, ошхонаси, спортзал, очиқ майдон ҳамда сузиш ҳавзасида ҳам бўлиб, у ердаги шарт-шароитлар билан яқиндан танишиш имкониятига эга бўлади.

Маълумот ўрнида: Тошкент шаҳридаги Сингапур менежментни ривожлантириш институти 2007 йил 5 сентябрдаги ПҚ-691-сонли қарорига кўра ташкил этилган. Айни дамда институтда Буюк Британиянинг Edinburgh Napier, Sunderland ҳамда Теsside университетларининг ўқув дастурлари асосида Ўзбекистон, МДҲ ва бошқа хорижий давлат фуқоролари учун молия, менежмент, туризм, мода маҳсулоти ва унинг тарғиботи, бизнесда компьютер технологиялари каби йўналишларда касбий ривожланиш учун кенг имкониятлар яратилган.

Батафсил маълумот учун рақамлар: +99871271-77-02, +99878113-77-02

Реклама ҳуқуқи асосида

#Тошкентдаги Сингапур менежментни ривожлантириш институти