Қўшимча функционаллар
-
Тунги кўриниш
Наманган шаҳар ҳокими билан радарлар масаласида “ўчакишган” подполковник бошқа ишга ўтказилди
Наманган вилояти ИИБ ЙҲХБ бошлиғи лавозимида ишлаб келган Мансур Газиев Андижон вилояти ИИБ бошлиғи ўринбосари – жамоат хавфсизлиги хизмати бошлиғи лавозимига тайинланди. У Наманган шаҳар ҳокими Анвар Отахўжаевнинг ноқонуний радарларни олиб ташлаш ҳақидаги хатига унинг хизмат машинаси 47 та қоидабузарлик содир этгани билан жавоб қайтариб, ОАВ эътиборига тушганди.
Наманган вилояти ИИБ ЙҲХБ бошлиғи Мансур Газиев бошқа лавозимга ўтказилди. Бу ҳақда Kun.uz манбаси хабар берди.
Манбага кўра, Мансур Газиев Андижон вилояти ИИБ бошлиғи ўринбосари – жамоат хавфсизлиги хизмати бошлиғи лавозимига тайинланган. Андижон вилояти ИИБ матбуот хизмати буни Kun.uz’га тасдиқлади. Маълум бўлишича, Мансур Газиев ушбу лавозимда иш бошлаганига 2 кун бўлган.
Мансур Газиев аввалроқ Наманган шаҳар ҳокими Анвар Отахўжаев билан ноқонуний радарлар масаласида хат алмашгани билан ОАВ эътиборига тушганди. Ўшанда Анвар Отахўжаев Мансур Газиевдан белгиланган меъёрларга зид равишда ўрнатилган фоторадарларни олиб ташлашни сўраган. Ҳоким ноқонуний радарлар аҳолида норозилик кайфияти ортишига сабаб бўлаётганини билдирган.
Мансур Газиев эса ҳокимнинг хатига жавобан унинг хизмат машинаси 2024 йил ва жорий йилда жами 47 та қоидабузарлик содир этганини маълум қилган. Подполковник жавоб хатида ҳокимдан Наманган шаҳар, Давлатобод ва Янги Наманган туманлари ҳокимликлари тасарруфидаги машиналар томонидан содир этилаётган сурункали қоидабузарликларни танқидий муҳокама қилишини ҳамда муддати ўтган жарималарни ундиришда амалий ёрдам кўрсатишни сўраган.
Мавзуга оид
22:51 / 27.05.2025
Наманган вилояти ҳокимига янги ўринбосар тайинланди
01:49 / 27.05.2025
Наманганда дарахтга урилган Nexia-3 ёниб кетди. Ҳайдовчи ҳалок бўлди
23:54 / 26.05.2025
Наманганда «Сўнгги қўнғироқ» вақтида қизларнинг сочи ёниб кетди
17:17 / 22.05.2025
3 ёшли жиянини 3 та тилда гапиртирган йигит: мия сирларини ўрганаётган Жамшидбек ҳикояси
