Давлат хавфсизлик хизматининг колл-маркази ишга туширилди
Жисмоний ва юридик шахслар 1520 қисқа рақамига қўнғироқ қилиш орқали ДХХга мурожаат қилиш имконига эга бўлди. Мурожаат қилган фуқароларнинг шахси сир сақланиши айтилмоқда. Туҳмат ва ҳақоратдан иборат мурожаат берганлар жавобгарликка тортилади.

Фото: Freepik
Давлат хавфсизлик хизмати ваколатларига киритилган масалалар юзасидан жисмоний ва юридик шахсларнинг мурожаатларини тезкор равишда қабул қилиш мақсадида Колл-марказ фаолият юрита бошлади.
Қайд этилишича, бу «Давлат хавфсизлик хизмати тўғрисида»ги қонунга мувофиқ ДХХ ваколатларига киритилган масалалар юзасидан жисмоний ва юридик шахсларнинг мурожаатларини тезкор равишда қабул қилиш мақсадида ишга туширилган. Колл-марказга 1520 қисқа рақами орқали қўнғироқ қилиш мумкин.
Хусусан, қуйидаги масалалар юзасидан мурожаатлар қабул қилинади:
- Ўзбекистон Республикасининг конституциявий тузуми, суверенитети ва ҳудудий яхлитлигига бўлган тажовузлар ҳақида;
- давлат чегараси қўриқланиши ва ҳимоя қилинишига бўладиган таҳдидлар;
- Қуролли кучлар ва мудофаа-саноат мажмуасида давлат хавфсизлигига бўладиган таҳдидлар;
- терроризм, экстремизм, уюшган жиноий гуруҳларга оид;
- қурол-яроғ, гиёҳвандлик воситалари ва психотроп моддаларнинг ноқонуний айланмасига доир жиноятлар ҳақида;
- давлат манфаатларига таҳдид солувчи коррупция ва иқтисодий жиноятлар юзасидан;
- миллий, этник ва диний адоватни тарғиб этиш;
- давлат манфаатлари ва хавфсизлигига таҳдид солувчи ҳуқуқбузарликларнинг содир этилишига доир бошқа ахборотлар.
Шу билан бирга, Жиноят-процессуал кодексининг 345-моддасида (жиноят ишининг терговга тегишлилиги) белгилаб қўйилган ва тергови ДХХ ваколатига киритилган Жиноят кодексининг 150-163- (тинчлик ва инсоният хавфсизлигига қарши жиноятлар, Ўзбекистон Республикасига қарши жиноятлар), 182- (божхона тўғрисидаги қонунчиликни бузиш), 223- (қонунга хилоф равишда чет элга чиқиш ёки Ўзбекистонга кириш), 246-моддаларида (контрабанда) назарда тутилган жиноятларга доир масалалар юзасидан мурожаатлар қабул қилинади.
Таъкидланишича, «Жисмоний ва юридик шахсларнинг мурожаатлари тўғрисида»ги қонуннинг 38-моддасига асосан мазкур қонунни бузганлик, худди шунингдек, туҳмат ва ҳақоратдан иборат мурожаат берганлик белгиланган тартибда жавобгарликка сабаб бўлади.
«Мурожаат қилган фуқароларнинг шахси сир сақланиши кафолатланади», — дейилади хабарда.
Тавсия этамиз
Исроил–Эрон урушининг Марказий Осиё учун геосиёсий мезонлари қандай?
Жаҳон | 22:13 / 18.06.2025
Клублар ўртасидаги ЖЧда кўпчиликка нотаниш бўлган 11 истеъдод. Кимлар турнир кашфиёти бўлиши мумкин?
Спорт | 20:34 / 18.06.2025
Яна юзлаб одам алданган: Alfa va Baraka avtolizing судидан репортаж
Жамият | 11:25 / 18.06.2025
Исроил эронликлар тузумга қарши исён кўтаришига умид қилмоқда. Бунинг эҳтимоли борми?
Жаҳон | 20:00 / 17.06.2025
Сўнгги янгиликлар
-
“Navoiyuran” халқаро рейтингини янада оширди
Ўзбекистон | 15:00
-
1 октябрдан давлат хизматчиларининг хизмат сафарлари ва харажатларини онлайн кузатиб бориш мумкин бўлади
Ўзбекистон | 14:57
-
Кремл: Украина билан ҳалок бўлганлар ва асирларни алмашиш бўйича ўзаро тушуниш йўқ
Жаҳон | 14:56
-
Ўзбекистонда сунъий интеллект асосида йўл ҳаракатини бошқариш тизими жорий этилиши мумкин
Ўзбекистон | 14:55
Мавзуга оид

20:23 / 19.06.2025
Интерпол собиқ раҳбари шахсларни пора эвазига қидирувдан олиб ташлаганликда гумонланмоқда

18:58 / 13.06.2025
Арманистонда собиқ бош вазир Овик Абрамян қўлга олинди

20:15 / 12.06.2025
Пасайишлар кўтарилишлардан кўп: Ўзбекистоннинг халқаро рейтинглардаги ўрни қандай ўзгаряпти?

18:36 / 11.06.2025