Қўшимча функционаллар
-
Тунги кўриниш
1 июндан Ўзбекистон ва Хитой ўртасида 30 кунлик визасиз режим кучга киради
Ўзаро визадан озод қилиш тўғрисидаги ҳукуматлараро Битимга кўра, 2025 йил 1 июндан Ўзбекистон ва Хитой фуқаролар икки давлат ҳудудларига кириш, ундан чиқиш ёки транзит қилиш учун 30 кундан ошмайдиган муддатда виза талабларидан озод қилинади. Визасиз режим меҳнат фаолияти, ўқиш ва медиа фаолияти билан шуғулланишга нисбатан татбиқ этилмайди.
Ўзбекистон ва Хитой ўртасида ўзаро визадан озод қилиш тўғрисидаги ҳукуматлараро Битим (Ченду, 2024 йил 1 декабрь) кучга кириши учун давлат ички процедуралари тугалланди. Ташқи ишлар вазирлигининг маълум қилишича, кўрсатилган халқаро шартноманинг қоидаларига биноан, битим 2025 йил 1 июндан эътиборан кучга киради.
Битим Ўзбекистон ва Хитой фуқароларининг икки давлат ҳудудига ўзаро визасиз сафарларига доир масалаларни тартибга солади.
Битимга мувофиқ, Ўзбекистон ва Хитой давлатлари фуқаролари икки давлат ҳудудларига кириш, ундан чиқиш ёки транзит қилиш учун ҳар бир алоҳида бўлиш муддати 30 кундан ошмайдиган муддатда ва ҳар қандай 180 кунлик давр ичида жами 90 кундан ортиқ бўлмаган муддатда виза талабларидан озод қилинади.
Бунда икки давлат фуқаролари давлатлари ҳудудига ҳар бир кириш ва бўлиш муддати 30 кундан ошмаслиги лозим. Агар фуқаролар 30 кундан ортиқ қолишлари керак бўлса, улар кириш визасини олдиндан олишлари лозим.
Визасиз режим меҳнат фаолияти, ўқиш ва медиа фаолияти билан шуғулланиш, шунингдек, бошқа Томон ваколатли органларининг олдиндан розилигини талаб қиладиган бошқа турдаги фаолият билан шуғулланишга нисбатан татбиқ этилмайди.
Кўрсатилган битим Хитойнинг Гонконг ва Макао махсус маъмурий ҳудудларига ташриф буюришга нисбатан амал қилмайди.
Мавзуга оид
09:39 / 14.05.2025
АҚШ Хитой товарларига божларни 120 фоиздан 54 фоизга пасайтиради
23:29 / 13.05.2025
Хитойда йўловчи тоза ҳаводан нафас олиш учун самолётнинг авариявий эшигини очиб юборди
20:52 / 13.05.2025
Хитой Украинадан Москвадаги парад вақтида ҳужум қилмасликни сўраган
18:45 / 13.05.2025