Навоийда кичик самолётлар ишлаб чиқарилади

“Навоий” ЭИЗ дирекцияси ҳамда Россия компанияси ўртасида учувчисиз самолёт типидаги учиш аппаратларини ишлаб чиқариш бўйича меморандум имзоланди. Бу ҳақда Kun.uz’га “Навоий” ЭИЗ раҳбари Ҳабиб Абдуллаев хабар берди.

Маълум қилинишича, лойиҳанинг умумий қиймати 30 млн АҚШ долларига тенг. Лойиҳа доирасида “Навоий” ЭИЗда келгуси 3 йилда 100 та самолёт ишлаб чиқариш режалаштирилган. Илк самолёт 2025 йил октябр ойида тақдим этилади.

Ҳабиб Абдуллаевга кўра, ишлаб чиқарилган маҳсулотлар ички эҳтиёжларни таъминлаш билан бирга бошқа давлатларга ҳам экспорт қилинади.

Маълумот учун, «Первое опытно-конструкторское бюро» компанияси томонидан ишлаб чиқариладиган СП-30 енгил, 2 ўринли самолётлари асосан қишлоқ хўжалиги, ўқув ва сайёҳлик парвозлари учун мўлжалланган. Бундай турдаги самолётлар 100 от кучига эга бўлиб, тезлиги 150 км/соатгача етади.