Ўзбекистон ва Туркия тадбиркор аёлларининг бизнес-форумлари ўтказилади
Анқара шаҳрида Сенат раиси Танзила Норбоева Туркия оила ва ижтимоий хизматлар вазири Маҳинур Оздемир Гёкташ билан учрашув ўтказди.

Фото: Senat.uz
Учрашувда Ўзбекистон ва Туркия ўртасида ижтимоий соҳада ҳамкорликни кенгайтириш масалалари кўриб чиқилди. Хусусан, томонлар ижтимоий ҳимоя, оила институти ҳамда аёллар ва болалар ҳуқуқларини таъминлаш муҳимлигини таъкидлади.
Шунингдек, ижтимоий хизмат ходимларининг малакасини ошириш, қуйи бўғингача сифатли ижтимоий хизматлар кўрсатиш тизимини таъминлаш, тегишли қонунчиликни такомиллаштириш юзасидан тажриба алмашиш ҳақида фикр юритилди.
Ўзбекистон ва Туркия ўртасида ҳудудлараро ҳамкорлик йўлга қўйилганини инобатга олиб, оила, хотин-қизлар масалалари ва ижтимоий хизмат кўрсатиш ҳудудий бўлимлари ўртасида ўзаро тажриба алмашиш масалаларига алоҳида эътибор қаратилди.
Шу билан бирга, хотин-қизлар тадбиркорлигини қўллаб-қувватлаш мақсадида икки мамлакат тадбиркор аёлларининг бизнес-форумлари ўтказишга келишиб олинди.
Мавзуга оид

18:54 / 28.05.2025
“Сенатор сўров юбормагунча пул олиб юрилган” — Танзила Норбоева импорт автоларга экосертификат ҳақида

20:44 / 21.05.2025
Танзила Норбоева Жиззахда коррупция ҳолатлари бўйича танқидий йиғилиш ўтказди

16:16 / 16.05.2025
Танзила Норбоева Бухорода жиноятчиликка қарши курашиш масалаларини муҳокама қилди

20:52 / 15.05.2025