Андижон шаҳрига янги ҳоким тайинланди

2022 йил июн ойидан Андижон шаҳар ҳокими лавозимида ишлаб келган Ғофуржон Абдураҳмонов 19 апрел куни вилоят ҳокимлигига чақиртирилиб, ишдан бўшаш ҳақидаги аризаси олинган. Унинг ўрнига Избоскан тумани ҳокими лавозимида ишлаб келган Элёрбек Каримов тайинланди.

Элёрбек Каримов

Избоскан тумани ҳокими лавозимида ишлаб келган Каримов Элёрбек Раҳматиллаевич Андижон шаҳри ҳокими лавозимига тайинланди. Бу ҳақда вилоят ҳокимлиги матбуот хизмати хабар берди.

Элёрбек Каримов 1986 йилда Избоскан туманида туғилган. 2008 йилда Андижон қишлоқ хўжалик институтини тамомлаган.

Меҳнат фаолияти давомида ғазначилик ҳамда молия тизимининг туман ҳамда вилоят идораларида масъул лавозимларда, шунингдек, Избоскан тумани ҳокимининг биринчи ўринбосари, вилоят инвестициялар, саноат ва савдо бошқармаси бошлиғининг биринчи ўринбосари, Ўзбекистон Савдо-саноат палатаси Андижон вилояти ҳудудий бошқармаси бошлиғи лавозимларида фаолият олиб борган.

Элёрбек Каримов 2023 йил декабридан буён Избоскан тумани ҳокими лавозимида фаолият юритиб келаётганди.

2022 йил июн ойидан Андижон шаҳар ҳокими лавозимида ишлаб келган Ғофуржон Абдураҳмонов 19 апрел куни вилоят ҳокимлигига чақиртирилиб, ишдан бўшаш ҳақидаги аризаси олинган. Унинг нима сабабдан ишдан олингани маълум эмас.

Daryo.uz манбаси Ғофуржон Абдураҳмоновнинг ишдан олиниши Андижон шаҳар камбағалликни қисқартириш ва бандлик бўлими бошлиғининг иш вақтида кабинетида психотроп модда истеъмол қилгани сабаб бўлиши мумкинлигини билдирган.

#Андижон шаҳри #Ғофуржон Абдураҳмонов #Элёрбек Каримов