Россияда Instagram ва Facebookʼда реклама жойлаш тақиқланди
Россия Давлат Думаси Instagram ва Facebook ижтимоий тармоқларида реклама жойлашни тақиқловчи қонунни қабул қилди. Бу ҳақда парламентнинг қуйи палатаси расмий сайтида маълум қилинди.

Фото: pixels
Қабул қилинган қонунга кўра, тақиқ фақат Meta'га тегишли Instagram ва Facebook'ни эмас, балки Россияда «исталмаган» деб топилган халқаро ташкилотлар ва «экстремистик» деб белгиланган платформалардаги барча рекламаларга тааллуқли бўлади. Россия ҳукумати аввал Meta корпорациясини ҳам шундай рўйхатга киритган эди.
Талабларни бузган фуқаролар 2 мингдан 2,5 минг рублгача, мансабдор шахслар 4 мингдан 20 минг рублгача, компаниялар эса 100 мингдан 500 минг рублгача жаримага тортилади. Қонун Федерация Кенгаши томонидан маъқулланиб, президент томонидан имзолангандан сўнг 2025 йил 1 сентябрдан кучга киради.
Давлат Думаси спикери Вячеслав Володиннинг таъкидлашича, мазкур ташаббус «мамлакат манфаатларини ҳимоя қилиш» мақсадида киритилган. Унинг фикрича, Россияда айрим ижтимоий тармоқлар блокланган бўлса-да, фуқаролар ва компаниялар ҳануз уларда реклама қилишни давом эттирмоқда ва шу орқали «душман кучларни молиялаштиришга хизмат қилмоқда».
Аслида, Россияда бунга ўхшаш чекловлар аввалроқ «чет эл агентлар»га нисбатан жорий этилган эди. Агар реклама шундай манбаларда жойлаштирилса, шахслар 50 минг рублгача, компаниялар эса 500 минг рублгача жаримага тортилиши мумкин. Икки марта бундай қоидабузарлик содир этилса, жиноий жавобгарлик юзага келади.
Янги қонун эса асосан блогерларга таъсир қилади. Чунки улар Instagram, Facebook ва X (собиқ Twitter) орқали рекламадан даромад топиб келаётган эди. Heads’made агентлиги раҳбари Ярослав Мешалкиннинг айтишича, айрим контент яратувчилар учун бу қарор бозорни тарк этиш ёки янги даромад манбаи излашга мажбур этади.
Блогерлар ва агентликлар ассоциацияси ҳам ушбу чекловлар бозорни жиддий ларзага солишидан хавотир билдирди. PR Perfect агентлиги асосчиси Кристина Петровага кўра «бу қонун ўз аудиториясини бошқа платформаларга ўтказишга улгурмаганлар учун сўнгги зарба бўлади».
Тавсия этамиз
40 даража иссиқ: бунақа пайтда ходимлар қандай ҳуқуқларга эга?
Жамият | 17:15 / 03.07.2025
Иссиқдан қандай сақланиш керак? – ЖССТ тавсиялари
Ўзбекистон | 16:06 / 02.07.2025
Нима учун Кореяни танлаш ёки танламаслик керак? | SUBYEKTIV
Жамият | 19:02 / 30.06.2025
Уруш тугади, энди Исроил ва Эрон нима қилади?
Жаҳон | 12:02 / 30.06.2025
Сўнгги янгиликлар
-
Ўзбекистон университети халқаро рейтингда энг кучли 500 та ОТМ қаторидан жой олди
Ўзбекистон | 08:03
-
Ню-Йорк мэри лавозимига номзод Трампнинг «Катта ажойиб қонуни»ни талончилик деб атади
Жаҳон | 07:40
-
Шанҳайда Ўзбекистон рақамли технологиялар маркази очилди
Ўзбекистон | 07:28
-
Калифорнияда ўрмон ёнғинлари 22 минг гектардан ортиқ майдонни қамраб олди
Жаҳон | 07:26
Мавзуга оид

16:07 / 03.07.2025
Рақобат қўмитаси Kia Sonet рекламасидаги қонунбузилиш сабаб Roodell'ни жаримага тортди

12:38 / 23.06.2025
Тўрт нафар инстаблогерга онлайн қимор ўйинларини реклама қилгани учун чора кўрилди

20:03 / 15.06.2025
Kun.uz’нинг расмий Telegram каналидаги ножоиз рекламалар юзасидан обуначиларга мурожаат

08:40 / 13.05.2025