Қўшимча функционаллар
-
Тунги кўриниш
Қирғизистон президенти ўзбекистонлик бокс мураббийи Акмал Ҳасановга автомобил совға қилди
Қирғизистон президенти Садир Жапаров 11 сентябр куни ўзбекистонлик бокс мураббийи Акмал Ҳасанов билан учрашиб, қирғизистонлик Мунарбек Сейитбек ўғлининг олимпиадада совриндор бўлишига қўшган ҳиссаси учун Chevrolet Tracker автомобилини совға қилди.

Фото: Қирғизистон президентининг матбуот хизмати
Жапаров ўзбек мураббийининг бу ҳаракати Қирғизистон ва Ўзбекистон халқларининг дўстлиги ва ҳамжиҳатлигини кўрсатиб берганини алоҳида таъкидлаган.
“Марказий Осиё халқлари бир-бирини қўллаб-қувватлаб, бирдамлик ва дўстона муносабатларни намоён этаётганини бутун дунё кўрди”, – дея унинг сўзларини келтирмоқда қирғиз президенти матбуот хизмати.
Садир Жапаров Париждаги олимпиадада ўзбекистонлик спортчилар юқори натижа қайд этганини ҳам таъкидлаган. “Ўзбекистонда спортга катта эътибор қаратилмоқда. Биз спортчиларимизни сўнгги уч йил ичида фаол қўллаб-қувватлай бошладик. Авваллари мусобақаларда иштирок этиш учун маблағ ажрата олмаган ҳолатларимиз бўлган. Ҳозир давлат витаминлар билан таъминлашгача бўлган барча зарур шароитларни яратяпти”, – деган давлат раҳбари.
Акмал Ҳасанов қўшни мамлакат раҳбарига миннатдорчилик билдириб, Мунарбек Сейитбек ўғлини спорт йиғинларида кўп марта учратгани, Парижда ҳеч иккиланмай унинг секунданти бўлишга розилик билдирганини таъкидлаган.
Эслатиб ўтамиз, қирғизистонлик боксчи Мунарбек Сейитбек ўғли Париж олимпиадасидаги кумуш медали билан, Қирғизистон бокси тарихидаги илк олимпиада совриндорига айланган эди. Унинг ўз мураббийи виза муаммоси сабабли олимпиадага бора олмагани сабаб, нимчорак, чорак ва ярим финал жангларида унга Акмал Ҳасанов секундантлик қилди.
Тавсия этамиз
Роман Старовойт – урушнинг курсидаги қурбони
Жаҳон | 22:00 / 08.07.2025
Қозоғистонда куйдирги тарқалди, икки қишлоқ карантинга олинди
Жаҳон | 17:57 / 08.07.2025
11 июлдан IELTS имтиҳонини қоғозда топшириш бекор қилинади
Ўзбекистон | 15:45 / 08.07.2025
Ўзбекистоннинг 5 та вилоятида сел хавфи эълон қилинди
Ўзбекистон | 13:18 / 08.07.2025
Сўнгги янгиликлар
-
Kia Ўзбекистон бозорида етакчилардан: 2025 йилнинг биринчи ярмида рекорд даражадаги сотувлар
Ўзбекистон | 15:00
-
Ўзбекистонда ногиронлиги бўлган шахслар умумий аҳолининг 2,7 фоизини ташкил этяпти
Ўзбекистон | 14:48
-
Карло Анчелотти бир йиллик қамоқ жазосига ҳукм қилинди
Спорт | 14:37
-
Канцлер Мерц Германиянинг НАТОда етакчи бўлишини хоҳлаяпти
Жаҳон | 14:36
Мавзуга оид

14:57 / 07.07.2025
Тожикистон «Хитой-Қирғизистон-Ўзбекистон» темир йўли лойиҳасига қўшилмоқчи

11:56 / 07.07.2025
Навбаҳор Ҳамидова жаҳон кубогида ғолиб чиққан илк ўзбекистонлик аёл боксчи бўлди

20:14 / 03.07.2025
Қирғизистон аҳоли даромадларининг ўсиши бўйича Марказий Осиёда 1-ўринга чиқди. Ниманинг ҳисобига?

15:47 / 01.07.2025