Хотин-қизлар учун "IT Star" танлови ўтказилади

IT Ladies ҳамжамияти ҳомийлари билан биргаликда фақат қизлар учун мўлжалланган "IT Star" танлови учун рўйхатдан ўтиш бошланади. 40 та номинацияда ўтадиган лойиҳада IT соҳаси билан боғлиқ ҳар қандай йўналишда фаолият юритадиганлар иштирок этиши мумкин.

IT таълим уюшмаси қошидаги IT Ladies ҳамжамияти ҳомийлари билан биргаликда IT ва унга ёндош соҳалар бўйича фақат қизлар учун мўлжалланган "IT Star" танлови бошланмоқда.

Унда Ўзбекистонда яшовчи 12 ёшдан ошган аёл ва қизлар мутлақо бeпул иштирок этиши мумкин. Иқтидорли лойиҳа менежерлари, маркетолог, дастурчи, график дизайнер, IT рекрутер ҳамда IT соҳаси билан боғлиқ ҳар қандай йўналишда фаолият юритадиганлар (журналистлар, юрист, талаба, ўқувчи, тадқиқотчи, муҳандис ва бошқалар) тақдирланиши белгиланган.

Танловга рўйхатдан ўтиш 1 майдан бошланади. Ғолиблар 40 та номинацияда 11 май куни тақдирланади.

Қатнашмоқчи бўлганлар анкеталарни тўлдириши талаб этилади.

#Хотин-қизлар #IT