Сирдарёда эгизакларини бир хонали уйга алмаштирмоқчи бўлган ота-онага ҳукм ўқилди
Эркак 6 йилга қамалган. Аёлнинг қарамоғида вояга етмаган фарзандлари борлиги инобатга олиниб, унга 3 йил қамоқ жазоси берилган.

Фото: Видеодан кадр
Сирдарё вилояти Гулистон шаҳрида қиз эгизакларини бир хонали уйга алмаштирмоқчи бўлган ота-онага суд ҳукми ўқилган. Бу ҳақда Олий суд матбуот котиби Азиз Обидов хабар бермоқда.
Маълум қилинишича, ҳуқуқни ҳимоя қилиш органлари томонидан ўтказилган тезкор тадбирда Жиззах вилоятида доимий рўйхатдан эркак ва Сирдарё вилоятида яшовчи аёл ўзларининг эгиз қизларини бир хонали уй эвазига бериб юбормоқчи бўлганида ушланган.
Қўлга тушган эркак моддий жиҳатдан қийналгани учун эгизакларни фуқаролардан бирига бир хонали уйга алмаштирмоқчи бўлганини айтган. Бироқ текшириб кўрилганда унинг моддий томондан қийналгани ўз исботини топмаган.
Иш ҳужжатларидан маълум бўлишича, аёл эгизак фарзандларни дунёга келтиргач эри билан биргаликда уларни уйга айирбошлашга келишган. Тезкор тадбирда эркак уй ҳужжатларини олаётган пайтда қўлга тушган.
Жиноят ишлари бўйича Гулистон шаҳар судида ўтказилган суд мажлисида эркак эгизакларидан ташқари яна тўрт нафар фарзанди борлигини, аёлнинг эса аввалги турмушидан икки нафар фарзанди борлигини айтиб, суддан енгиллик сўраган.
Суд мажлисида эркак ва аёл Жиноят кодексининг 135-моддаси 3-қисми “а” банди билан айбли деб топилган. Аёлнинг қарамоғида вояга етмаган фарзандлари борлиги инобатга олиниб, унга Жиноят кодексининг 57-моддасини қўллаган ҳолда 3 йил қамоқ жазоси берилган.
Эркакка эса 6 йил муддатга озодликдан маҳрум қилиш жазоси тайинланди.
Тавсия этамиз
Исроил–Эрон урушининг Марказий Осиё учун геосиёсий мезонлари қандай?
Жаҳон | 22:13 / 18.06.2025
Клублар ўртасидаги ЖЧда кўпчиликка нотаниш бўлган 11 истеъдод. Кимлар турнир кашфиёти бўлиши мумкин?
Спорт | 20:34 / 18.06.2025
Яна юзлаб одам алданган: Alfa va Baraka avtolizing судидан репортаж
Жамият | 11:25 / 18.06.2025
Исроил эронликлар тузумга қарши исён кўтаришига умид қилмоқда. Бунинг эҳтимоли борми?
Жаҳон | 20:00 / 17.06.2025
Сўнгги янгиликлар
-
Ўзбекистон фуқаролари Исроил ва Эронга сафар қилишдан тийилишга чақирилди
Ўзбекистон | 14:35
-
Ҳафта бошида ҳарорат +44 даражагача кўтарилади
Ўзбекистон | 14:28
-
Мисрдан Тошкентга гепатитга қарши дорининг навбатдаги партияси олиб келинди
Ўзбекистон | 14:11
-
Яман ҳусийлари Қизил денгиздаги АҚШ кемаларига ҳужумлар уюштириш ниятида
Жаҳон | 14:08
Мавзуга оид

09:59 / 21.06.2025
"Амударё" ва "Сирдарё" ҳавзалари бирлашмалари ходимларига устама белгиланди

09:24 / 18.06.2025
Чақалоғини 10 млн сўмга сотмоқчи бўлган аёлга ҳукм ўқилди

18:44 / 14.06.2025
Сирдарёда икки болани уриб юборган ҳайдовчи 8,5 йилга қамалди

12:25 / 11.06.2025