Қўшимча функционаллар
-
Тунги кўриниш
Исроил армияси Ғазо секторидаги шифохона яқинида 170 фаластинлик ўлдирилганини маълум қилди
Баёнотда айтилишича, 800 нафардан ортиқ одам ҳибсга олинган, қурол-яроғ мусодара қилинган.
Фото: X / idfonline
Исроил армияси (ЦАҲАЛ) 23 март куни Ғазо секторидаги Аш-Шифо шифохонасига уюштирилган рейд ва ҳужумларда ҳалок бўлган фаластинликлар сони 170 нафарга етганини маълум қилди.
Ҳарбийлар баёнотида айтилишича, Исроил армияси ва Шин Бет хавфсизлик кучлари «тинч аҳоли, беморлар, тиббий гуруҳлар ва тиббий жиҳозларга зарар етказмаган ҳолда» ҳудудда «мақсадли жангларни» давом эттирмоқда.
Баёнотда айтилишича, ҳарбийлар 170 нафарга яқин фаластинликни ўлдирган ва 800 нафардан ортиқ гумондорни ҳибсга олган.
Исроил армияси душанбадан бери Аш-Шифо шифохонаси яқинида ҳужум уюштирмоқда ва бу минглаб беморлар ва кўчирилган фаластинликларнинг ҳаётини хавф остига қўйган.
Шунингдек, 18 март куни бошланган ва денгиз флоти бўлинмаси ва зирҳли бригада томонидан амалга оширилган рейд чоғида террорчи гуруҳларга тегишли инфратузилма ва қурол-яроғ омборлари аниқланган.
Исроил ҳарбий-ҳаво кучлари ўтган кун давомида Ғазодаги 35 га яқин нишонга, жумладан, қўмондонлик пунктлари ва террорчи гуруҳларга тегишли бошқа инфратузилма объектларига зарба берди.
ЦАҲАЛ маълумотларига кўра, Ғазонинг марказида Наҳал бригадаси аъзолари ўтган кун давомидаги шиддатли жангларда 15 га яқин террорчини йўқ қилган.
Ғазодаги геноцид
Мавзуга оид
19:11 / 14.03.2025
ҲАМАС гаровдаги исроилликни озод этишга ва тўрт кишининг жасадини қайтаришга рози бўлди
14:56 / 14.03.2025
AP: Исроил ва АҚШ Судан ва Сомалига Ғазо секторидан фаластинликларни қабул қилиш таклифи билан мурожаат қилди
23:14 / 12.03.2025
Араб давлатлари ТИВ раҳбарлари Ғазони қайта тиклаш масаласини муҳокама қилмоқда — ОАВ
13:23 / 12.03.2025