TamTam App Store ва Google Play Ўзбекистон рейтингида етакчига айланди

TamTam мессенжери App Store ва Google Play Ўзбекистон рейтингида етакчиликни ўз қўлига олди. Бундан AppAnnie маълумотлари дарак бермоқда.

Хусусан, 19 апрель кунги ҳолатга кўра, илова ҳам App Store’да, ҳам Google Play’да юклаб олишлар сони бўйича биринчи ўринга кўтарилди ва «Яндекс.Такси», Telegram, imo, Instagram ҳамда WhatsApp’ни ортда қолдирди.

TamTam уч кун ичида Ўзбекистон рейтингларида 60-80 поғонага юқорилади.

Бундан ташқари, Ўзбекистон аҳолиси Google'да TamTam’ни энг кўп қидирувчи давлатлар рейтингида иккинчи ўринга кўтарилди.

TamTam нафақат Ўзбекистон ва Россияда машҳурлашмоқда, балки Эронда ҳам шундай вазият кузатилмоқда – у ерда ҳам Telegram мулоқот қилишнинг асосий воситаси эди.

Эслатиб ўтамиз, аввалроқ Ўзбекистонда iOS фойдаланувчилари TamTam мессенжерини юклаб олишни бошлагани хабар берилганди.

KUN.UZ сайтининг TamTam мессенжеридадаги канали: https://tt.me/kunnews