Imtihonga kech qolgan talaba aviakompaniyani sudga berib, unda yutib chiqdi
Sankt-Peterburdan Istanbulga uchadigan samolyotga aviachipta xarid qilgan talaba reysga chiqarilmagan. Shundan so‘ng, u manzilga Dubay orqali borishga majbur bo‘lgan.

Foto: Shuttersock
Sankt-Peterburg—Istanbul aviareysiga kech qolgan talaba «Aeroflot» aviakompaniyasini sudga berdi. Yo‘lovchi Turkiyaga uchadigan reysga chiqarilmagan, deb xabar beradi shahar sudlarining birlashgan matbuot xizmati.
Qayd etilishicha, da’vogar Sankt-Peterburgda yashovchi Robert Puchkov hisoblanadi. U reysga chipta olgan va aeroportga o‘z vaqtida kelgan. Ammo uni Turkiyaga kirish ruxsatini beradigan hujjati yo‘qligi sabab ro‘yxatdan o‘tishga qo‘yishmagan.
Yigit pasporti, talabalar uchun mo‘ljallangan yashash guvohnomasini taqdim etgan va imtihonga ketayotganini aytgan. Barcha kerakli hujjatlar mavjudligiga qaramay, aviakompaniya uni olib ketishdan bosh tortgan.
«Tashish to‘g‘risidagi shartnoma bir tomonlama tartibda buzilgan, da’vogarga to‘langan pul mablag‘lari qaytarilmagan. U imtihon topshirish uchun uchishi kerakligi bois Sankt-Peterburg—Dubay—Istanbul yo‘nalishi bo‘yicha aviachipta xarid qilgan va manzilga yetib kelgan», — deyiladi xabarda.
Shundan keyin talaba kompaniyadan 121 ming rubl (1500 dollar) kompensatsiya to‘lashini talab qilgan. Ushbu summa ichiga Istanbulgacha bo‘lgan to‘g‘ridan-to‘g‘ri reys chiptasi narxi, Dubayga qo‘nish orqali olingan chipta narxi, taksi uchun to‘langan pullar va 30 ming rubl miqdorida ma’naviy zarar ham kiritilgan.
Sud da’vogar tarafida bo‘lib, Puchkov foydasiga aviachipta uchun 34,7 ming rubl, jami 68,9 ming rubl miqdoridagi yetkazilgan zarar, 5 ming rubl miqdorida ma’naviy zarar uchun kompensatsiya undirilishi bo‘yicha qaror chiqargan. Shuningdek, sud kompaniyaga 54 ming rubl jarima to‘lash majburiyatini yuklagan.
Tavsiya etamiz
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13 / 18.06.2025
Klublar o‘rtasidagi JChda ko‘pchilikka notanish bo‘lgan 11 iste’dod. Kimlar turnir kashfiyoti bo‘lishi mumkin?
Sport | 20:34 / 18.06.2025
Eron va Isroilning harbiy salohiyati: kimda qanday qurollar bor?
Jahon | 18:04 / 18.06.2025
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
So‘nggi yangiliklar
-
NYT: AQSh bombardimonchilarni Yaqin Sharqqa jo‘natishda chalg‘ituvchi taktikadan foydalandi
Jahon | 13:30
-
Haftaning ikkinchi yarmida havo harorati biroz pasayadi
O‘zbekiston | 13:20
-
O‘zbekistonda chiqindidan yoqilg‘i olish bo‘yicha loyiha amalga oshiriladi
O‘zbekiston | 13:10
-
Rossiyada ukrain tili maktab dasturidan chiqarib tashlandi
Jahon | 13:00
Mavzuga oid

19:04 / 21.06.2025
«Aeroflot» Moskvadan Samarqandga muntazam parvozlarni tiklaydi

14:34 / 13.06.2025
Ryanair janjalkash yo‘lovchilarni 500 yevro jarimaga tortadi

09:57 / 04.06.2025
Haydovchilar jarima ballari haqida onlayn xabardor bo‘lishi mumkin

19:33 / 02.05.2025