Buxoroda YPX inspektorini obro‘sizlantirishga uringan haydovchi 7 sutkaga qamaldi
Haydovchi YPX xodimiga hujjatlarini taqdim etishdan bosh tortgan. Mashinasi jarima maydoniga olib ketilayotganida esa inspektorni nohaq ayblab, ijtimoiy tarmoqlarga bir nechta video joylagan.

Foto: Videodan kadr
Buxoro shahrida xizmat vazifasini bajarayotgan YPX xodimining qonuniy talabiga bo‘ysunmagan qoidabuzar haydovchiga chora ko‘rildi. Bu haqda Buxoro viloyati IIB YXHB axborot xizmati xabar berdi.
Qayd etilishicha, mashinani boshqarib kelayotgan haydovchi ishoraga ko‘ra to‘xtatilgan, so‘ng inspektor hujjatlarni ko‘rish maqsadida uning oldiga borgan. Ammo haydovchi uning qonuniy talabiga bo‘ysunmasdan, hujjatlarini ko‘rsatishdan bosh tortgan.
Shundan keyin, inspektor haydovchi avtomobilni hujjatlarsiz boshqarib yurgan degan xulosaga kelib, tartibga ko‘ra, transport vositasini jarima maydoniga olib ketgan. Bu vaqt davomida haydovchi YPX xodimini obro‘sizlantirishga urinib, turli so‘zlar bilan uning sha’niga tegishga uringan. Shuningdek, inspektorni nohaqlikda ayblab, ijtimoiy tarmoqlarga bir nechta video joylagan.
Jinoyat ishlari bo‘yicha Buxoro shahar sudida ko‘rib chiqilgan mazkur ma’muriy ish yakunida haydovchi Ma’muriy javobgarlik to‘g‘risidagi kodeksning 194-moddasi (ichki ishlar organlari xodimining qonuniy talablarini bajarmaslik) 1-qismi va 195-2-moddasi (huquqni muhofaza qiluvchi organlar xodimlarining foto- va (yoki) videotasvirini ularning obro‘sizlantirilishiga olib keladigan tarzda buzib tarqatish) bilan aybli deb topildi. Sud qarori bilan haydovchiga nisbatan 7 sutka ma’muriy qamoq jazosi tayinlandi.
«Ichki ishlar xodimlari va tizimdan uzr so‘rayman», — deydi haydovchi.
Tavsiya etamiz
O‘zbekiston Mobiuz kompaniyasini xalqaro sotuvga qo‘ydi
O‘zbekiston | 23:10 / 09.06.2025
Toshkentda ilk BRT tizimi: u qanday ko‘rinishda bo‘ladi?
O‘zbekiston | 20:17 / 07.06.2025
Bir nechta tashkilotlar Enter Engineering kompaniyasini sudga berdi
O‘zbekiston | 17:39 / 07.06.2025
Xatolar ulg‘aytirgan jamoa. O‘zbekistonning mundial sari uzoq yo‘li haqida
Sport | 15:27 / 07.06.2025
So‘nggi yangiliklar
-
Tramp Ukraina va Rossiya o‘rtasidagi muzokaralar bo‘yicha yangi bayonot berdi
Jahon | 23:40 / 12.06.2025
-
Global qochqinlar soni 2011 yildan beri birinchi marta kamaydi – BMT
Jahon | 23:02 / 12.06.2025
-
Florida gubernatori namoyishchilarni avtomobilda urib yuborish mumkinligini aytdi
Jahon | 23:01 / 12.06.2025
-
Yangi Toshkentda «Peterburg mahallasi» bo‘ladi
O‘zbekiston | 22:28 / 12.06.2025
Mavzuga oid

21:52 / 12.06.2025
Buxoro viloyati hokimi hujjati yo‘q binoni “ichidagi odami bilan ko‘mib tashlash”ni buyurdi

14:04 / 10.06.2025
Buxoroda 2 yoshli bola ikkita tangani yutib yubordi

17:58 / 03.06.2025
Buxoroda 36 nafar bog‘cha tarbiyalanuvchisi ikkita Damas’da tashildi

20:22 / 29.05.2025