Atlantika okeanida 6,5 tonna kokain ortilgan suvosti kemasi to‘xtatib qolindi

Portugaliya politsiyasi Azor orollari yaqinida to‘xtatib qolingan suvosti kemasidan qariyb 6,5 tonna kokainni musodara qildi, deb xabar beradi CBS News. 

Nautilus nomini olgan operatsiya Portugaliyada butun 2024 yil davomida musodara qilingan rekord darajadagi 23 tonna kokainning chorak qismiga teng giyohvand moddani qo‘lga kiritish imkonini bergan.

«Ushbu mamlakat Yevropaga olib kiriladigan kokainlar uchun birinchi punktlardan hisoblanadi. Narkomafiya giyohvand moddalar kontrabandasida suv ostiga to‘liq sho‘ng‘imagan holda harakatlanadigan kemalardan tobora ko‘proq foydalanmoqda», — deyiladi xabarda.

Politsiya bayonotida ko‘ra, kema Atlantika okeanining markaziy qismida, Azor orollaridan 500 dengiz mili janubda tutib qolingan. Uning bortida besh nafar ekipaj a’zosi bo‘lgan, kemadan xalqaro jinoiy guruh foydalanib kelgan.

Operatsiyada nafaqat Portugaliya harbiy-dengiz va havo kuchlari, balki xalqaro sheriklar, jumladan, AQSh giyohvand moddalarga qarshi kurash boshqarmasi, Buyuk Britaniya jinoyatchilikka qarshi kurash agentligi va Ispaniya fuqarolik gvardiyasi ham ishtirok etgan.

Ta’kidlanishicha, Portugaliya olib kiriladigan kokainning asosiy oqimi dengiz yo‘li orqali Lotin Amerikasida keladi. Odatda kemalar Kolumbiya qirg‘oqlarida qayd etilsada, so‘nggi oylarda ularni dunyoning turli nuqtalarida payqashgan.