Rossiya Ukrainaga g‘arb tinchlikparvar kuchlari kelishiga yana qarshi chiqdi
Rossiya TIV rahbari o‘rinbosari bayonotiga ko‘ra, Rossiya Ukrainadagi NATO mamlakatlari tinchlikparvar kuchlariga mojaro ishtirokchilari sifatida munosabatda bo‘ladi.

Foto: Shutterstock
Moskva o‘t ochish to‘xtatilgan taqdirda Ukrainaga NATO va Yevropa Ittifoqi davlatlarining tinchlikparvar kuchlarini yuborish ehtimoli muhokama qilinayotganini «nomaqbul va bema’ni» deb hisoblashda davom etmoqda. Bu haqda Rossiya tashqi ishlar vazirligi rahbari o‘rinbosari Aleksandr Grushko 17 mart, dushanba kuni chop etilgan «Izvestiya» gazetasiga bergan intervyusida ma’lum qildi.
Rossiya Tashqi ishlar vazirligi vakilining so‘zlariga ko‘ra, Moskvaga «NATO kontingentlari Ukraina hududiga qanday yorliq ostida joylashtirilishi mumkinligi umuman qiziq emas: u Yevropa Ittifoqi, NATO yoki milliy maqomda bo‘lsa ham».
«Agar ular o‘sha yerda paydo bo‘lsa, demak, ular mojaro zonasiga joylashtirilmoqda, bu kontingentlarga mojaro taraflari sifatida oqibatlarni keltirib chiqaradi», — deb hisoblaydi rossiyalik diplomat.
Grushkoning bayonotlari avvalroq Rossiya tashqi ishlar vaziri Sergey Lavrov aytgan gaplardan unchalik farq qilmaydi. U bir necha bor Ukrainada Yevropa davlatlaridan tinchlikparvar kuchlarning bo‘lishi ehtimoli bo‘yicha muhokamalar yuzasidan qo‘pol tarzda izoh bergan, garchi bu Kiyevning ayrim ittifoqchilarining shaxsiy tashabbusidir.
ST: Ukrainaga 10 000 dan ortiq tinchlikparvarlar borishi mumkin
Buyuk Britaniya bosh vaziri Kir Starmer bir kun avval bo‘lib o‘tgan YeI yetakchilari va NATO vakillarining onlayn konferensiyasida Ukraina uchun 10 mingdan ortiq kishilik G‘arb tinchlikparvar kuchlarini yaratish rejalarini aytib o‘tdi, deb xabar berdi Britaniyaning The Sunday Times (ST) gazetasi 16 mart kuni yig‘ilishda ishtirok etgan manbalarga tayanib.
«Hukumatdagi yuqori martabali manbalar bosh vazir quruqlikdagi qo‘shinlarni taqdim etishni taklif qilgan uchta davlatdan ko‘ra «sezilarli ko‘proq» davlatlarning qo‘llab-quvvatlashini ta’minlaganini aytdi, ammo bu kuchlarning asosiy qismi Buyuk Britaniya va Fransiyadan kelishi mumkin», deb yozadi gazeta va Rossiya harbiy hujumidan to‘rt yildan beri himoyalanayotgan davlat sa’y-harakatlariga «muhim kuchlar» va «katta davlatlarning» jalb qilinganini qo‘shimcha qildi. Ko‘proq davlatlar «boshqa yo‘llar bilan o‘z hissalarini qo‘shadilar», deb yozadi The Sunday Times Britaniya hukumatining yuqori martabali amaldoridan iqtibos keltirgan holda.
Jami 35 ga yaqin davlat missiyaga qurol yetkazib berish hamda logistika va razvedka yordamini ko‘rsatishga kelishib oldi, deb yozadi gazeta. Yig‘ilish ishtirokchilarining fikricha, bu «Rossiya va Ukraina o‘rtasida o‘t ochish to‘xtatilgan taqdirda» Kremlni yangi bosqinni boshlashdan qaytarishi mumkin. Starmerning o‘zi ko‘p millatli tinchlikparvar kuchlarni yaratish rejalari «operativ bosqich»ga o‘tayotganini aytdi.
Tavsiya etamiz
Magic City'ning egasi yana o‘zgaradi
O‘zbekiston | 21:22 / 17.03.2025
«Balki uddalarmiz, balki yo‘q». Tramp ertaga Putin bilan gaplashishga va’da berdi
Jahon | 20:36 / 17.03.2025
Emmanuel Makron Yevropaga «yadroviy qalqon» taklif etdi
Jahon | 12:00 / 16.03.2025
AQSh 43 davlat, jumladan Rossiya va Belarus fuqarolarining kirishini cheklashi mumkin
Jahon | 17:13 / 15.03.2025
So‘nggi yangiliklar
-
O‘zbekiston Avtomobil Biznesi Uyushmasi (ABA): avtomobilsozlikni barqaror rivojlantirish uchun soha yetakchilarining birlashmasi
O‘zbekiston | 15:00
-
Dunyoning asosiy gastronomik shahri ma’lum qilindi
Jahon | 14:55
-
«Tashabbusli budjet»da majburiy ovoz to‘plangan loyihalar ovoz berish bosqichidan chetlatiladi
O‘zbekiston | 13:31
-
Husiychilarning hujumi, Tramp va Putin muloqotiga tayyorgarlik va Ozodlik haykalini qaytarishni so‘ragan fransuz - kun dayjesti
Jahon | 13:16
Mavzuga oid

12:32
«Begonalar zulm qilgani yo‘q, ammo o‘zimiznikilardan yordam kutmay qo‘ygandik» - sudjaliklar

10:25
Kurskdagi qurbonlar - komendantlik soatini buzganlar, vayronalar ostida qolganlar va yuragi dosh bermaganlar

00:18
Shveytsariya 30 mingdan ortiq ukrainalikni qochoq maqomidan mahrum qildi

18:17 / 17.03.2025