Bunyodkor shohko‘chasida 3 ta avtomobil to‘qnashdi

Chilonzor tumani Bunyodkor shohko‘chasi “Novza” jome masjidi qarshisida uchta mashina ishtirokida yo‘l-transport hodisasi sodir bo‘ldi.

2022 yil 14 dekabr kuni soat 15:00 larda Chilonzor tumani Bunyodkor shohko‘chasida yo‘l-transport hodisasi yuz berdi. Bu haqda Toshkent shahar IIBB YHXB axborot xizmati xabar qilyapti.

Haydovchilar: 2003 yilda tug‘ilgan Sh.S. boshqaruvidagi Nexia-3 transport vositasi, 1972 yilda tug‘ilgan Sh.X. boshqaruvidagi Lacetti transport vositasi va 1990 yilda tug‘ilgan J.X. boshqaruvidagi Labo transport vositalari ishtirokida yo‘l-transport hodisasi qayd etildi.

Yo‘l-transport hodisasi natijasida Lacetti transport vositasi haydovchisi Sh.X. tan jarohati olgan. 

Holat yuzasidan Toshkent shahar IIBB YHXB tomonidan surishtiruv ishlari amalga oshirilmoqda.