Navoiyda 2 nafar o‘qituvchiga prezident sovg‘asi sifatida mashina berildi

Navbahor tumanida o‘qituvchilarning nufuzini yanada oshirish, ularni qo‘llab-quvvatlash maqsadida 2 nafar namunali mehnat qilib kelayotgan fidoyi o‘qituvchilarga Cobalt mashinasi sovg‘a qilingan. Bu haqda hokimlik matbuot xizmati xabar bermoqda.

Ma’lum qilinishicha, mashinalar tumandagi 1-umumta’lim maktabining fizika fani o‘qituvchisi Sohiba Navro‘zova hamda 20-umumta’lim maktabining geografiya fani o‘qituvchisi Obidjon Saydaxmetovga berilgan. Ushbu o‘qituvchilar o‘z faoliyatlari davomida yuzlab bitiruvchilarning OTMlarga o‘qishga kirishida munosib hissa qo‘shishgan. Hokimlikka ko‘ra, o‘qituvchilarni bu tariqa rag‘batlantirish Navbahor tajribasi sifatida endilikda har yili amalga oshiriladi.  

Ma’lumot uchun, o‘tgan o‘quv yilida Ta’lim sifatini nazorat qilish davlat inspeksiyasi tomonidan e’lon qilingan maktablar reytingida Navoiy viloyati eng yuqori o‘rinni egallagandi.