Хонанда Дилфуза Исмоиловани чув туширган аёл озодликдан маҳрум қилинди
55 ёшли аёл Дилфуза Исмоиловага ўзини цитрус мевалар олди-сотдиси билан шуғулланувчи тадбиркор сифатида кўрсатиб, унинг 80 минг АҚШ доллари маблағини ўзлаштирган. Суд уни жуда кўп миқдорда фирибгарлик жиноятини содир қилганликда айбли деб топди.
Хонанда Дилфуза Исмоилова ва бошқаларни чув туширган шахс жиноий жазога тортилди. Бу ҳақда Kun.uz’га Тошкент шаҳар судлари матбуот хизмати хабар берди.
Маълум қилинишича, кеча, 29 апрел куни жиноят ишлари бўйича Учтепа туман судида 1970 йилда туғилган М.Ж.га (аёл) суд ҳукми ўқилган. Иш судя Дилшод Комилов раислигида кўриб чиқилган.
Суд ҳужжатига кўра, М.Ж. фирибгарлик ва ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш жиноятларини содир қилган. Суд ишида Дилфуза Исмоиловадан ташқари яна 4 киши жабрланувчи сифатида кўратилган. Судланувчи уларни турли миқдордаги пул маблағларига чув туширган.
Жумладан, Дилфуза Исмоиловага етказилган моддий зарар миқдори 80 минг АҚШ долларини ташкил этади. Судланувчи аввалига хонанданинг “гап”ига қўшилган. Сўнгра ўзини цитрус мевалар савдоси билан шуғулланувчи тадбиркор сифатида кўрсатиб, унинг ишончига кирган. У четдан келаётган цитрус меваларнинг ҳар бир юк машинасидан 25-30 минг доллар фойда олаётганини айтган. Бунга ишонган Дилфуза Исмоилова “Мен ҳам бизнес бошламоқчи эдим, яхши режа экан, пул тикаман”, деган. Улар фойдани тенг бўлишга келишган. Шу тариқа хонанда судланувчининг тузоғига тушиб қолган.
Суд ҳукми билан М.Ж. Жиноят кодексининг 168-моддаси 4-қисми “а” банди (жуда кўп миқдорда фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) 2-қисми “б” бандида назарда тутилган жиноятларни содир этганликда айбли деб топилган. Унга 6 йил-у 4 ой муддатга озодликдан маҳрум қилиш жазоси тайинланган.
Шунингдек, судланувчидан жабрланувчиларга етказилган зарар, хусусан, Дилфуза Исмоилова фойдасига 80 минг доллар ундирилиши белгиланган.
Аввалроқ хонанда Дилфуза Исмоилова 80 минг долларга чув тушгани хабар қилинганди.
Тавсия этамиз
Қайси тоифадаги талабалардан ўқишни тугатгунча гранти олиб қўйилмайди?
Ўзбекистон | 11:26 / 07.06.2025
Миллий жамоа аъзоларига BYD автомобиллари топширилади
Спорт | 16:14 / 06.06.2025
Трамп ва Маск очиқчасига уришиб кетди
Жаҳон | 12:05 / 06.06.2025
Янги Тошкент қанақа бўлади? Бош архитектор ва масъул шаҳарсоз билан суҳбат
Ўзбекистон | 17:07 / 05.06.2025
Сўнгги янгиликлар
-
WSJ: Пентагон йиллар давомида НУЖ ҳақида ёлғон маълумотлар тарқатиб келган
Жаҳон | 15:06
-
ОАВ: Илон Маск Оқ уйда молия вазири билан ёқалашиб кетган
Жаҳон | 14:55
-
Сиртдан қамалган президент, ҳайит олдидан гўштга рейд ва қимматлаб кетган картошка
Жаҳон | 14:04
-
Лос-Анжелесда миграция хизмати рейдлари туфайли норозилик намойишлари авж олди
Жаҳон | 13:27
Мавзуга оид

10:52 / 30.05.2025
Таълим соҳасидаги тадбиркорлар сони ошди

16:08 / 24.05.2025
82 миллиард сўмлик ҚҚС тадбиркорларга ноқонуний қайтарилгани аниқланди – ДХХ

23:37 / 01.05.2025
Пайариқ ҳокимининг таъқиби ортидан қамалган тадбиркорни Олий суд озод қилди

19:21 / 29.04.2025