Қўшимча функционаллар
-
Тунги кўриниш
Трамп ўтган жума Россия-Украина музокаралари учун яхши кун бўлганини айтди
Келишув жуда яқин, энди иккала томон ҳам ишни якунлаш учун энг юқори даражада учрашиши керак, деб таъкидлади у.
Фото: REUTERS
АҚШ президенти Доналд Трамп 25 апрель Россия-Украина музокаралари ва учрашувлари учун яхши кун бўлганини айтди.
«Улар келишувга жуда яқин, энди иккала томон ҳам ишни якунлаш учун энг юқори даражада учрашиши керак. Асосий фикрларнинг аксарияти аллақачон келишилди», деб ёзди АҚШ президенти Truth ижтимоий тармоғида.
«Ҳозироқ қон тўкилишини тўхтатинг. Биз бу шафқатсиз ва маъносиз урушни тугатишга ёрдам бериш учун қаерда керак бўлса, шу ерда бўламиз!», деб қўшимча қилди Трамп.
25 апрель куни Трампнинг элчиси Стив Уиткофф Москвада Владимир Путин билан навбатдаги, тўртинчи учрашувини ўтказди. Россия президенти ёрдамчиси Юрий Ушаков сўзларига кўра, учрашув уч соат давом этган ва «нафақат Украина, балки бошқа бир қатор халқаро масалалар бўйича ҳам Россия ва АҚШ позицияларини янада яқинлаштириш имконини берган». Томонлар Россия ва Украина ўртасида тўғридан-тўғри музокараларни қайта бошлаш имкониятларини муҳокама қилди, деб қўшимча қилди у.
