Кентуккидаги торнадо «ҳужуми» — фотолар

АҚШнинг Миссури, Миссисипи, Арканзас, Теннесси, Иллинойс ва Кентукки штатларида ўнлаб торнадолар рўй берди - шанбага ўтар кечаси кузатилган табиий офат қурбонлари сони юзга яқин, омон қолганларни қидириш ишлари ҳамон давом этмоқда. Кентуккидаги Меэйфилд шаҳри эса бутунлай вайрон бўлган.

11 декабрга ўтар кечаси АҚШ ғарбидаги олти штат ҳудудида 50дан ортиқ торнадо бўлиб ўтди. Табиий офатдан энг кўп жабр кўрган ҳудуд Кентукки бўлди, бу штат тарихидаги энг ҳалокатли торнадо эди.

Сўнгги маълумотларга кўра, бу штатда 100дан ортиқ киши ҳалок бўлган. Кентукки ғарбида, 10 минг атрофида аҳоли яшайдиган Мэйфилд шаҳрида торнадо шам ишлаб чиқариш фабрикаси биносини, округ суди минорасини ва кўплаб уйларни буткул вайронага айлантирди.

Мэйфилддан 100 километр масофадаги, 2500 киши яшовчи Доусон-Спрингс шаҳарчасида 12 киши ҳалок бўлган ва биноларнинг 75 фоизи яксон бўлган. Бу шаҳарлар торнадодан кейин қуйидаги кўринишга келди.